Andvari - 01.01.1931, Side 26

22
Síra Eiríkur Briem, prófessor.
Andvari
kjorinn þingmaður. Léí hann þá tilleiðast. Var hann
ákveðinn heimastjórnarmaður og þóttist ekki geta dregið
sig í hlé, þegar um úrslit svo alvarlegra mála var að
ræða. Sat hann síðan á þingi, sem konungkjörinn, þangað
til 1915, að konungkjör þingmanna var afnumið með
nýrri stjórnarskrá og landskjör sett í staðinn.
Þau ár, sem Eiríkur sat á þingi í fyrra sinn, var
hann með áhrifamestu mönnum á þingi. Ekki fyrir
mælsku sakir, því að honum var heldur stirt um ræðu-
höld, nema þegar um kappsmál var að ræða og um-
ræður tóku að hitna. Hann talaði ekki oftar en nauð-
syn krafði, og ræður hans voru að jafnaði stuttar en
gagnorðar, og hann færði jafnan skýr og ljós rök fyrir
sínu máli. í nefndum reyndist hann atkvæðamikill starfs-
maður. — Það, sem sérstaklega efldi traust hans meðal
samþingsmanna hans var glöggskyggni hans og ná-
kvæm íhugun þeirra mála, er hann bar fram, eða var
viðriðinn, og þá ekki sízt hin víðtæka þekking hans á
högum þjóðarinnar og atvinnumálum, bæði í sveitunum
og Reykjavík. Stóð hann þar flestum framar, þar sem
hann hafði sjálfur búið í sveit, dvalizt mörg ár í Reykja-
vík og verið viðriðinn mál, er voru mikilsverð fyrir
sjávarútvegirin og gáfu honum tilefni til að kynnast
þeim atvinnuvegi nánara en almennt gerðist um þá, er
eigi stunduðu sjósókn eða útgerð sjálfir.
Þegar í æsku hafði Eiríkur fengið fullan skilning á
því, hve allt var hér í niðurlægingu, er við kom opin-
berum framkvæmdum til stuðnings atvinnuvegunum og
menningu landsmanna, vegna skilningsleysis og athafna-
leysis hinnar erlendu stjórnar. Eggert sýslumaður Briem,
faðir hans, var mikill framfara- og áhugamaður og vildi
hrinda af stað ýmsum nýtilegum framkvæmdum í hér-
uðum þeim, þar sem hann var sýslumaður, en flest