Fréttablaðið - 12.09.2009, Qupperneq 14

14 12. september 2009 LAUGARDAGUR
E
ftir að hópi hryðjuverka-
manna hafði tekist að
gera stórfelldar árásir á
nokkrar helstu byggingar
Bandaríkjanna hinn 11. september
2001 sögðu ráðamenn Bandaríkj-
anna hvað eftir annað að heimur-
inn yrði aldrei samur.
Árásirnar kostuðu alls nærri
þrjú þúsund manns lífið. Að
morgni 11. september það ár
rændu hryðjuverkamennirnir
fjórum farþegaflugvélum. Tveim-
ur þeirra var flogið á Tvíburaturn-
ana í New York og einni á bygg-
ingu varnarmálaráðuneytisins,
Pentagon, en sú fjórða hrapaði
niður skammt frá bænum Shanks-
ville í Pennsylvaníu.
Innan fárra vikna réðust Banda-
ríkin inn í Afganistan og felldu
talibanastjórnina, sem hafði veitt
hryðjuverkasamtökum Osama
bin Laden aðstöðu til að undirbúa
árásir af þessu tagi.
Þótt átta ár séu liðin hefur
höfuðpaurinn Osama bin Laden þó
enn ekki fundist. Ekki er einu sinni
vitað hvort hann er lífs eða liðinn,
en sé hann á lífi er talið líkleg-
ast að hann sé í felum í Pakistan,
skammt frá landamærum Afgan-
istans, hugsanlega fársjúkur.
Barack Obama Bandaríkjafor-
seti sagði í gær að Bandaríkja-
menn myndu ekki unna sér hvíld-
ar fyrr en þeir hryðjuverkamenn
sem ábyrgðina bæru hefðu verið
handteknir: „Við munum gera allt
sem í okkar valdi stendur til þess
að gera Bandaríkin örugg.“
Obama tók í fyrsta sinn í gær
sem forseti þátt í hinum árlegu
minningarathöfnum sem Banda-
ríkjamenn efna til á þessum degi.
Í kosningabaráttunni hafði
Obama lagt mikla áherslu á þau
mistök sem fyrri stjórn hefði gert
í beinu framhaldi af hryðjuverk-
unum haustið 2001. Hann tók oftar
en ekki undir gagnrýni víðs vegar
að um að viðbrögðin hefðu getið af
sér pyntingar, leynifangelsi, van-
hugsað stríð í Írak og svo harðar
öryggisráðstafanir heima fyrir
að almenn mannréttindi væru í
hættu.
Í ávarpi sínu í gær minntist
Obama hins vegar ekki mikið á
slíkt, heldur lagði áherslu á sorgina
og samstöðu þjóðarinnar. Þó sagði
hann að Bandaríkjamenn ættu að
nota tilefnið til að endurnýja hinn
sanna anda þessa dags: „Ekki getu
mannsins til illra verka, heldur til
góðverka. Ekki viljann til að eyði-
leggja, heldur hvötina til að bjarga,
þjóna og byggja upp.“
Í New York hefur engin bygg-
ing enn risið á staðnum þar sem
Tvíburaturnarnir stóðu. Deilur
af ýmsu tagi hafa tafið verkið, en
áformað er að reisa þar svokallað-
an Frelsisturn sem á að verða eins
konar minnismerki um atburðina.
Dálítið uppnám varð í Washing-
ton í gær þegar sjónvarpsfrétt-
ir bárust af því að skotum hefði
verið hleypt af þegar bátur á ánni
Potomac sigldi inn á bannsvæði.
Síðar kom þó í ljós að þarna var
um æfingu á vegum strandgæslu
Bandaríkjanna að ræða.
gudsteinn@frettabladid.is
Átta ár frá falli turnanna tveggja
Bandaríkjamenn minntust í gær hryðjuverkanna haustið 2001 á vettvangi árásanna bæði í New York og Washington með einnar mín-
útu þögn. Þúsundir manna komu saman í New York, en við Pentagon í Washington hitti Barack Obama aðstandendur fórnarlamba
hryðjuverkanna. Hann sagði Bandaríkjamenn ekki unna sér hvíldar fyrr en höfuðpaurar árásanna hefðu verið handteknir.
EYÐILEGGING Fáeinum klukkustundum eftir hrun Tvíburaturnanna í New York stóð þessi maður við rústirnar og hrópaði hvort einhver þyrfti á aðstoð að halda. NORDICPHOTOS/AFP
ÞAKIN ÖSKU OG RYKI Marcy Borders
var þakin ösku og ryki þegar hún leitaði
skjóls í skrifstofubyggingu stuttu eftir að
annar Tvíburaturnanna hrundi.
NORDICPHOTOS/AFP
FRELSISTURNINN VÆNTANLEGI Í staðinn fyrir Tvíburaturnana, þar sem Heimsvið-
skiptamiðstöð var til húsa, er verið að reisa Frelsisturn sem hér má sjá líkan af.
NORDICPHOTOS/AFP
ÁTTA ÁRUM SÍÐAR Þessi mynd var tekin í gær þar sem Tvíburaturnarnir stóðu í New York. Framkvæmdir við Frelsisturninn vænt-
anlega eru ekki mjög langt á veg komnar. NORDICPHOTOS/AFP
MINNINGARATHÖFN Í HELLIRIGNINGU
Barack Obama strýkur regnið framan
úr sér við Pentagon, byggingu varnar-
málaráðuneytisins, þegar hann heilsar
aðstandendum fórnarlamba árásanna.
FRÉTTABLAÐIÐ/AP