Fréttablaðið - 12.09.2009, Síða 20

20 12. september 2009 LAUGARDAGUR
UMRÆÐAN
Bryndís Gunnlaugsdóttir og
Eggert Sólberg Jónsson skrifa
um þing ungra framsóknar-
manna
Nú um helgina, dagana 12.-13. september, fer fram sam-
bandsþing Sambands ungra fram-
sóknarmanna í Mosfellsbæ. SUF
hefur allt frá stofnun verið hreyfi-
afl í íslensku samfélagi, uppspretta
nýra hugmynda og staður þar sem
margir leiðtogar landsins hafa
stigið sín fyrstu spor.
Eitt af hlutverkum SUF er að
efla framgang ungs fólks innan
Framsóknarflokksins. Framsókn-
armenn hafa alla tíð verið dugleg-
ir við að treysta ungu fólki til for-
ystustarfa. En líklega aldrei hafa
framsóknarmenn treyst ungu fólki
jafn vel og í vetur þegar Sigmund-
ur Davíð Gunnlaugsson var kjörinn
formaður flokksins aðeins 33ja ára
að aldri. Birkir Jón Jónsson sem
kjörinn var varaformaður var þá
aðeins 29 ára.
Í dag er þingflokkur framsókn-
armanna yngstur allra flokka á
þingi. Meðalaldurinn er rúmlega
39 ár. Þingflokkurinn er langyngsti
flokkur þingsins, tæplega 10 árum
yngri að meðaltali en þeir næstu.
Meðalaldur allra annarra þing-
flokka er yfir 48 ár. Þannig eru
þeir allir eldri að meðaltali en elsti
þingmaður Framsóknarflokksins.
Það er erfitt að meta árangur
ungs fólks innan stjórnmálaflokka
eftir fjölda ungra þingmanna.
Engu að síður sýnir sú upptalning
sem hér hefur farið fram að ungu
fólki innan Framsóknarflokks-
ins er treyst til ábyrgðarstarfa.
Þrátt fyrir að gefið hafi á bátinn
og gustað hafi um hann hafa ungir
framsóknarmenn ekki gefið eftir
þann einbeitta vilja sinn að berjast
fyrir hagsmunum ungs fólks.
Fram undan eru erfiðir tímar
en tækifærin eru einnig mörg. Nú
gefst íslensku þjóðinni tækifæri til
þess að öðlast nýja sýn á þau gildi
og venjur sem eru við lýði í þjóð-
félaginu. Nú er tækifæri til þess
að byrja upp á nýtt. Hvernig vilj-
um við að íslenskt þjóðfélag verði?
Hvernig viljum við að íslenskir
stjórnmálamenn og stjórnmála-
flokkar starfi? Ljóst er að innan
allra stjórnmálaflokka hefur það
því miður oft á tíðum átt sér stað
að flokksskírteini frekar en hæfni
hefur ráðið við skipun í embætti
og störf, að kunningjaþjóðfélagið
hafi stjórnað en ekki hæfileikar.
Þetta er eitt af því sem ungt fólk
í öllum stjórnmálaflokkum verður
að berjast gegn. Flokksskírteini
á alls ekki að vera lykill að starfi
eða embætti, en að sama skapi má
flokksskírteini ekki hefta hæfi-
leikaríkt fólk. Hæfni skal ávallt
ráða för.
Við viljum hvetja alla unga fram-
sóknarmenn til að taka þátt á sam-
bandsþingi SUF um helgina. Einnig
viljum við bjóða öllum áhugasömum
til að mæta á opinn fund í hádeg-
inu á laugardaginn þar sem fjallað
verður um kunningjaþjóðfélagið og
kreppuna. Unga fólkið er framtíðin
og það er okkar að læra af reynslu
fortíðarinnar og tryggja að sömu
mistökin gerist ekki aftur.
Bryndís er formaður SUF og
Eggert er varaformaður.
Ungt fólk mótar framtíðina
BRYNDÍS GUNN-
LAUGSDÓTTIR
EGGERT SÓLBERG
JÓNSSON
UMRÆÐAN
Íris Birgis Stefánsdóttir og
Magnús F. Ólafsson skrifa
um félagsmál
Tilgangur þessarar greinar er að vekja athygli á mikilvægi
þess að á tímum efnahagskreppu
sé þörfum barna og fjölskyldna
mætt með markvissum og við-
urkenndum úrræðum. Fagna ber
nýútkominni skýrslu nefndar um
sálfélagsleg viðbrögð (NSV) við
efnahagskreppunni. Þar er lögð
áhersla á að íslensk yfirvöld læri
af reynslu Finna eftir efnahags-
þrengingar sem riðu yfir þjóðina
upp úr 1990 og endurtaki ekki
þau mistök að skera niður í geð-
heilbrigðisþjónustu og félagsmál-
um. Nefndin leggur til að áhersla
verði lögð á að nýta ódýr hópúr-
ræði, þétta barnaverndarstarf,
efla stoðþjónustu skóla, styrkja
heilsueflingarstarf og virkja kraft
frjálsra félagasamtaka. Í málefn-
um barna og fjölskyldna er fjallað
um mikilvægi þess að efla þjón-
ustu mæðra- og ungbarnaverndar,
þjónustu félagsráðgjafa og skóla-
hjúkrunarfræðinga í grunn- og
framhaldsskólum. Foreldrafærn-
inámskeið eru nefnd sem möguleg
leið til að styrkja foreldra í upp-
eldi barna sinna en þessi þátt-
ur hefði þó mátt fá meira vægi
í skýrslunni. Á krepputímum er
álag á fjölskyldur vegna atvinnu-
leysis og fjárhagserfiðleika stað-
reynd sem stjórnvöldum ber
skylda til að mæta með ábyrg-
um hætti. Ef ekki er brugðist við
er fyrirséð að líkt og hjá Finn-
um verði afleiðingarnar fjölgun
barnaverndarmála og aukin tíðni
örorku vegna geðrænna vand-
kvæða hjá þeim börnum sem nú
eru að vaxa upp. Það er skoðun
undirritaðra að fyrst og fremst
þurfi að efla nærþjónustuna og
þau hópúrræði sem þegar eru
til staðar. Standa þarf vörð um
stoðþjónustu leik- og grunnskóla,
þjónustumiðstöðvar og heilsu-
gæslustöðvar hverfanna.
Foreldranámskeið
Rannsóknir hafa sýnt fram á þá
tilhneigingu að foreldrafærni
minnki og að samskipti foreldra
og barna verði neikvæðari á við-
varandi álagstímum sem þessum.
Því er brýnt að styrkja foreldra-
færni, þar með fjölskyldur og
börn, því slíkt hefur óumdeilan-
legt forvarnargildi. Foreldrafærn-
inámskeið geta lagt sitt af mörk-
um í því að sporna við hliðstæðri
þróun hér og varð í Finnlandi.
Hægt er að benda á gagnreynd
hópúrræði fyrir foreldra eins
og Uppeldi sem virkar – færni
til framtíðar, SOS! Hjálp fyrir
foreldra og PMT foreldrafærni.
Einnig býðst foreldrum að sækja
sérhæfðari námskeið um uppeldi
barna með ADHD- og COPE-nám-
skeið. Þetta eru allt námskeið sem
eru byggð á vísindalegum grunni
og kenna aðferðir sem samkvæmt
rannsóknum hafa sýnt góðan
árangur. Tryggja þarf sem best
aðgengi og halda kostnaði foreldra
í lágmarki.
Þjónusta við börn
Niðurskurður í menntamálum má
ekki bitna á þjónustu við börn með
frávik í þroska eða hegðunar- og
tilfinningaraskanir. Þau börn
sem þegar glíma við þessa erfið-
leika eru í meiri áhættu en önnur
börn að þróa með sér langvarandi
geðræna erfiðleika. Af mannúð-
arsjónarmiðum eingöngu ætti að
hlífa þeim sérstaklega en því ber
að halda til haga að það er einn-
ig fjárhagslega hagkvæmt fyrir
samfélagið að sinna vel þörfum
þessara barna snemma á lífsleið-
inni til að koma í veg fyrir auk-
inn kostnað síðar. Því þarf að sjá
til þess að börnum bjóðist í sama
mæli og áður, ef ekki auknum,
faglegur stuðningur við nám,
hegðun og líðan í skólakerfinu.
Hér er átt við úrræði eins og sér-
kennslu, þjónustu stuðningsfull-
trúa, PBS-verkefnið sem er gagn-
reynd aðferðafræði til að styðja
við jákvæða hegðun í skólum og
Hugur og heilsa sem er forvarnar-
verkefni gegn þunglyndi auk sér-
fræðiþjónustu þjónustumiðstöðva
og skólaheilsugæslu. Fylgjast þarf
skipulega með líðan og hegðun
skólabarna, til dæmis með reglu-
legum skimunum, og vísa á sér-
fræðiþjónustu Þjónustumiðstöðva,
Þroska- og hegðunarstöðvar,
Barna- og unglingageðdeildar og
Greiningar- og Ráðgjafarstöðvar,
eftir því sem við á. Þar bjóðast
ýmis einstaklings-, fjölskyldu- og
hópúrræði sem mikilvægt er að
halda áfram að standa vörð um.
Hér hefur verið bent á úrræði
ætluð börnum og foreldrum sem
undirrituðum finnst mikilvægt að
nýta vel til að hlúa að þessum hópi
á þrengingatímum. Upptalning-
unni er ekki ætlað að vera tæm-
andi en vert væri þó að stjórn-
völd létu gera formlega úttekt á
gagnreyndum úrræðum sem bjóð-
ast hér á landi. Fylgjast þarf náið
með áhrifum efnahagskreppunn-
ar á börn og þjónustu við þau og
veita stjórnvöldum aðhald í þess-
um efnum. Það er samfélagsleg
skylda okkar allra að vernda börn-
in okkar fyrir þeim skaða sem
yfirstandandi efnahagsþrenging-
ar geta hugsanlega valdið þeim og
standa vörð um hagsmuni þeirra
og velferð. Allir geta verið sam-
mála um mikilvægi þessa og
nú þarf að láta verkin tala. Því
skorum við á stjórnvöld að setja
fram vel skilgreinda aðgerðaá-
ætlun í þessum mikilvæga mála-
flokki sem byggir á gagnreynd-
um úrræðum eins og þeim sem
hér hafa verið nefnd.
Höfundar eru sálfræðingar og
starfa á Þroska- og hegðunar-
stöð heilsugæslunnar.
Hvað með börnin?
UMRÆÐAN
Sigurður Jónsson gerir
athugasemd við um-
mæli
Ég er undrandi að sjá að oddviti Skeiða- og Gnúp-
verjahrepps heldur því blá-
kalt fram að greiðslur frá
Landsvirkjun vegna óbók-
aðra funda sveitarstjórn-
armanna hafi ekki runnið til
einstaklinga.
Landsvirkjun greiddi sveitarsjóði
meðal annars fyrir óbók-
aða fundi sveitarstjórnar
sem var svo áfram greitt
til kjörinna sveitarstjórn-
armanna og fékk hver
kjörinn fulltrúi í sveitar-
stjórn 200 þúsund krón-
ur. Það er því rangt sem
oddviti heldur fram að
einstaklingar hafi ekki
fengið greiðsluna frá
Landsvirkjun.
Höfundur er fyrrverandi sveit-
arstjóri Skeiða- og Gnúpverja-
hrepps.
Greiðslur runnu
til einstaklinga
SIGURÐUR
JÓNSSON
ÍRIS BIRGIS
STEFÁNSDÓTTIR
MAGNÚS F.
ÓLAFSSON
VELDU
ÞINN STAÐ
Fjölbreyttar lóðir í boði í Reykjavík
fyrir íbúðar- og atvinnuhúsnæði.
Nú bjóðum við ný hagstæð lánakjör, 85% lán til 8 ára
á 4% vöxtum. Kynntu þér málin á nýjum lóðavef
Reykjavíkurborgar og veldu þinn stað.
Umsóknarfrestur á lóðum í Úlfarsárdal og við Reynisvatnsás
er til 25. september nk.
Nánar á www.reykjavik.is/lodir