Fréttablaðið - 12.09.2009, Síða 34

ÞAÐ HEITASTA Í ...
HÓTELUM, VEITINGASTÖÐUM, GRÆJUM, BÚÐUM, MÖRKUÐUM OG FERÐANÝJUNGUMMIÐBAUGUR
ferðalög kemur út mánaðarlega
með helgarblaði Fréttablaðsins.
Ritstjóri Anna Margrét Björnsson amb@frettabladid.is
Útlit Arnór Bogason og Kristín Agnarsdóttir
Forsíðumynd Strönd á eyju við Panama
Pennar Þorfi nnur Ómarsson, Hólmfríður H Sigrðardóttir
Ljósmyndir Fréttablaðið,Þorfi nnur Ómarsson
Auglýsingar Benedikt Freyr Jónsson bfj@365.is
FERÐIN TIL PANAMA
P anama er að mörgu leyti skemmti-leg blanda af Rómönsku-Amer-íku og ýmsum einkennum sem við þekkjum frá Bandaríkjun-
um. Þjóðtungan er spænska, þó með sér-
staklega sterkri mállýsku sem er fullkom-
lega óskiljanleg við fyrstu kynni. Íbúar eru
þó vanir erlendum hreim og ættu að skilja
hefðbundna spænsku. Annars er enska mjög
almennt tungumál, mun útbreiddari en í
öðrum Mið-Ameríkuríkjum.
Reyndar virðast Panamabúar hafa lært
ýmsan ósiðinn af Bandaríkjamönnum
og minnir margt af því á amerísk áhrif á
Íslandi. Þannig ekur efnað fólk um á allt of
stórum bílum, aðallega stórum glæsijeppum
sem það hefur enga þörf fyrir, ekki frekar
en Jón og Gunna í Garðabænum. Þetta verð-
ur til þess að þrengja að gangandi vegfar-
endum, en lítið tillit er tekið til þeirra sem
eru fótgangandi. Auk þess eru Panamabúar
tillitslausir í umferðinni og því skal fara með
gát, bæði á fæti og í akstri á vegum úti.
Veðurblíða og fullkominn sjór
Panama nýtur einstakrar veðursældar allt
árið um kring. Meðalhitinn rokkar frá 33
upp í 36 stig, þannig að breytingin er nán-
ast engin. Lega landsins rétt norðan við mið-
baug veldur því að sólargangur er svipaður
allt árið og árstíðirnar fjórar þekkjast ekki
nema af afspurn.
Hins vegar skipta Panamabúar sínum
veðrakerfum í tvennt; ýmist er rigningar-
tímabil eða ekki. Hið svokallaða rigning-
artímabil er frá maí og allt fram í október
eða jafnvel nóvember, en þá tekur við tíma-
Fjölmiðlamaðurinn góð-
kunni Þorfi nnur Ómarsson
lagði land undir fót í sumar
og hélt ásamt unnustu sinni,
Ástrós Gunnarsdóttur, til
Panama, þar sem þau dvöldu
í nokkra mánuði. Hér segir
Þorfi nnur frá landinu fjar-
læga sem við Íslendingar
þekkjum svo lítið.
FRAMHALD Á BLS. 8
Beint flug til Taílands
Ævintýrin færast
nær Íslendingum
10
[ SÉRBLAÐ FRÉTTABLAÐSINS UM FERÐALÖG ]
SEPTEMBER 2009
ferðalög
Borgarferðir í haust
Spennandi kostir í boði
BLS 4
Fyrir þá sem langar að skreppa í rómantíska nótt út
fyrir bæinn er Hótel Rangá dásamlegur kostur. Það
er við Rangárbakkana þar sem útsýni er fagurt og
stjörnur og norðurljós lýsa upp himininn á haust-
kvöldum. Hótelið er rómað fyrir frábæra matseld
en þar er lögð áhersla á villibráð og íslenskt hráefni
með ívafi af skandinavískri matargerð. Herbergin
eru öll einkar notaleg og fyrir þá sem vilja eitthvað
verulega sérstakt voru búnar til nýjar svítur í vor
sem kallast World Pavilion og eru allar innréttaðar
á mismunandi hátt til að minna á hinar mismunandi
heimsálfur. Í þeim er meðal annars risastór nudd-
pottur innan í miðri stofunni til að fullkomna róm-
antíkina en hver myndi ekki vilja dreypa á kampa-
vínsglasi í notalegu freyðibaði? Heitir pottar eru
annars á veröndinni þar sem hægt er að horfa upp
í stjörnubjartann himininn. Ekki spillir fyrir að í
grennd við Hótel Rangá er hægt að skella sér á hest-
bak, spila golf, skella sér í veiði og fara upp á jökul.
Sjá nánnar á www.hotelranga.is. - amb
RÓMANTÍSKAR HAUSTNÆTUR
Hótel Rangá býður upp á glæsilegar nýjar svítur, heita potta á veröndinni og ljúffengar veitingar.
Hótel Rangá
2 FERÐALÖG
Þ
egar Benihana opnaði fyrst í
New York á sjöunda áratugnum
var japönsk matseld næstum því
óþekkt í hinum vestræna heimi.
Eins þótti afskaplega merkilegt að upplifa
„teppanyaki“-matseldina á staðnum en þá
eldar japanskur kokkur matinn á borðinu
beint fyrir framan þig.
Slíkt kallast „hibachi“-grill en þá er
framreitt alls kyns kjötmeti, grænmeti
og fiskur sem er marinerað í japönskum
sósum og kryddum. Sérstaklega þjálfað-
ur kokkur leikur listir sínar fyrir fram-
an gesti, sker hráefnið á undursamlegum
hraða, skellir því á grillið og svo beint á
diskinn, allt með tilheyrandi japönsk-
um hrópum og köllum. Benihana opnaði í
London á tíunda áratugnum og hefur notið
stöðugra vinsælda allar götur síðan.
Í London er að finna tvö útibú, í Chelsea-
og Piccadilly-hverfinu auk Swiss Cottage
en allir staðirnir skarta klassískri jap-
anskri hönnun svo að manni líður alveg
eins og maður sé staddur í Tókýó. Þess
má einnig geta að Benihana hefur verið
valinn besti veitingastaður fyrir alla fjöl-
skylduna í tvö ár af tímaritinu Time Out í
London. Best er að panta borð svo öruggt
sé að maður komist að. Nánari upplýsingar
er að finna á www.benihana.co.uk. - amb
FRÆGASTI JAPANSKI
VEITINGASTAÐUR HEIMS?
Eldað fyrir framan þig Japanskur kokkur steikir kobe-nautakjöt á grillinu á Benihana. FRÉTTABLAÐIÐ/VILHELM
Benihana nýtur gífurlegra vinsælda í London en þar er boðið upp á mat sem er eldaður beint
fyrir framan gestina á eldheitu grilli.
flugfelag.is
Netið
Þú færð alltaf
hagstæðasta verðið
á www.flugfelag.is
Í
Ferðalögum í dag skrifar Þorfinnur Ómars-
son stórskemmtilega grein um Panama í Suður-
Ameríku en hann og sambýliskona hans, Ástrós
Gunnarsdóttir dansari, lögðu land undir fót í
vor og hyggjast dvelja í Suður-Ameríku í vetur. Ég
dáist afskaplega mikið að því þegar Íslendingar, sem
oft eru værukærir og hræddir við að breyta út frá
norminu, taka svona snilldarákvarðanir og halda á
vit ævintýranna. Vísan hefur margoft verið kveðin
um að fylgja ástríðum sínum vegna þess að annars
eigi maður alltaf eftir að sjá eftir því. Auðvitað er líka
ekki skrýtið að á þessum erfiðu tímum séu margir
samlandar mínir sem nenna ekki eða geta ekki verið
lengur á Íslandi og sjá betri tækifæri og fleiri ævin-
týri handan hafsins. En kreppan hefur ekki stöðvað
ferðalöngun Íslendinga. Það kom okkur á Fréttablað-
inu á óvart síðustu helgi að birta frétt um að fullbók-
að væri í margar ferðir til útlanda og að Íslendingar
flykkist í stríðum straumum til útlanda, hvort sem
það er í borgarferðir eða langferðir til annarra heims-
álfa. Það er greinilega sterkara í okkur að reyna að
lyfta okkur upp og breyta um umhverfi en að stynja
yfir prísunum. Oft er líka sagt að ógöngur eins og við
Íslendingar höfum gengið í gegnum kalli á breytt lífs-
viðhorf þar sem fólk endurskoðar gildi sín og tekur
jafnvel ákvarðanir sem breyta lífi þess. Sumir skipta
um vinnu, aðrir skilja eða eignast börn, og sumir
ákveða jafnvel að flytja sig um set, flytja úr landi eða
fara í heimsreisu til fjarlægra landa, á staðinn sem
þá langaði kannski alltaf að fara á en áttu alltaf eftir.
Það er ekkert eins heilnæmt og breytingar, við mann-
skepnurnar erum sem betur fer gerðar þannig að við
eigum nokkuð auðvelt með að kljást við breytingar,
nýtt fólk og nýtt umhverfi. Ég hvet því sem flesta til
að hrista aðeins upp í hversdagsleikanum og kíkja á
alla þá spennandi kosti sem ferðaskrifstofur og flug-
félög eru að veita okkur í haust og vetur. Og fyrir þá
sem hafa sem minnst milli handanna er líka alveg
dásamlegt að breyta til og skreppa út fyrir borgar-
mörkin til að njóta lífsins í faðmi ástvina.
Anna Margrét Björnsson skrifar
AÐ HALDA Á VIT
ÆVINTÝRANNA