Fréttablaðið - 12.09.2009, Síða 60

8 FERÐALÖG
bil þurrka og er þá sól flesta
daga allt fram í maí. Eftir að
hafa búið í Panama á rigning-
artímabili (júní, júlí, ágúst) er
það þó mín reynsla að það sé alls
ekki eins slæmt og það hljómar.
Þvert á móti er það mikill kost-
ur að veðrakerfin skuli endur-
nýja sig með jafn markvissum
hætti, loftið hreinsast við hverja
dembu og gróðurinn ilmar um
borg og frumskóga, frá fjöllum
til stranda.
Það er líka rétt að taka fram
að jafnvel á rigningartímabili
skín sólin reglulega. Hefðbund-
inn dagur á þessu tímabili er
þannig að á einum og sama deg-
inu skín sólin í fjóra til sex tíma,
þess á milli eru skúrir, jafnvel
stöku steypiregn og svo þrum-
ur og eldingar. Allur pakkinn á
sama deginum! Og þeir sem búið
hafa í hitabeltislöndum vita að
rigning er ekki eins óþægileg og
í köldu löndunum, því regnið er
um eða yfir 30 stiga heitt og veld-
ur engum kulda. Heit sturta!
Til viðbótar við allt þetta má
segja að Panama njóti þess að
vera svo sunnarlega í Mið-Amer-
íku að landið sleppur blessunar-
lega við fellibylji, sem eru svo
algengir aðeins norðar og aust-
ar í þessum heimshluta. Er það
verulegur kostur, ekki síst nú á
tímum þegar veðrakerfin eru að
verða enn viðsjárverðari.
Sjórinn við Panamastrend-
ur er hreinn unaður. Svo und-
arlega sem það kann að hljóma
er sjórinn heitastur þegar loftið
er svalast en verður svo kaldari
á heitasta tíma ársins. Þetta er
sannkölluð guðsgjöf, því þannig
er sjávarhitinn alltaf eins og þú
vilt helst hafa hann. Það er fátt
yndislegra en að fara út í fun-
heitan sjó, en að sama skapi hent-
ugt að sjórinn skuli kólna á þeim
tíma ársins þegar sólin æpir á þig
allan daginn.
Dýralíf er gífurlega fjölbreytt
á þessum slóðum. Sérstaklega
er fuglalíf stórbrotið, enda land-
ið bæði viðkomustaður farfugla
og föst heimkynni glæsilegra
fuglategunda í öllum regnbog-
ans litum. Ernir eru hvarvetna
algeng sjón, sömuleiðis pelíkan-
ar og flamingóar.
Paradísareyjar í Karíbahafi og
Kyrrahafi
Hér skal sérstaklega mælt með
því að fara í stutta ferð til ein-
hverra eyjanna undan strönd-
um Panama, hvort sem þær eru í
Kyrrahafi eða Karíbahafi. Enda
þótt strendur séu víða ágætar á
meginlandinu er sjórinn ekki eins
tær þar og hann er við eyjarn-
ar. Þar er á hinn bóginn hægt að
fara í kristaltæran sjó, algerlega
gegnsæjan, og eiginlega skyldu-
verk að kafa eða í það minnsta
snorkla á eftir hitabeltisfiskum
í öllum regnbogans litum, með
glæsileg kóralrif allt í kring.
Í Karíbahafinu er að finna
stórbrotinn eyjaklasa, Bocas del
Toro, rétt sunnan við Kosta Ríka.
Flug þangað tekur um 45 mínút-
ur frá Panama og kostar um 180
dollara báðar leiðir. Bocas er
lítill og einstaklega afslappað-
ur bær, enda fólk í Karíbahaf-
inu ekki mikið fyrir stress. Svo
er bara hoppað upp í taxa, sem
í þessu tilfelli er lítill bátur, og
haldið eitthvert út í paradísina
– á eftir höfrungum í Dolphin
Bay, kafað við Coral Cay, glímt
við sjóbretti eða annað strand-
líf á Red Frog Beach og þannig
mætti lengi telja.
Auk þess er alveg nauðsynlegt
að fara yfir á Zapatilla-eyjar,
sem líta út eins og tveir risa-
vaxnir inniskór úr lofti. Eyjarn-
ar eru friðaðar, enda dýralíf með
afbrigðum á heimsvísu. Snjóhvít-
ar sandstrendur eru allan hring-
inn, en auk þess er hægt að ganga
inn í frumskóginn og kynnast
hljóðum dýranna. Mögnuð upplif-
un. Suma daga er ekkert mann-
fólk á þessum eyjum og þá er
draumurinn um Róbinson Krúsó
kominn.
Hægt er að finna ágæt hótel
í Bocas þó að flest þeirra séu
reyndar mjög ódýr og ekki
íburðamikil. Einn stærsti kostur-
inn við þennan stað er einmitt að
hann er (enn sem komið er) full-
komlega laus við alþjóðlegar hót-
elkeðjur sem steypa allt í sama
form. Annars er enn meira ævin-
týri að gista í „bungalow“ úti á
einhverri eyjunni, en þar er hægt
að vera skilinn eftir nánast einn
í heiminum, með hafið og dýra-
NOKKUR VERÐDÆMI
Á GÓÐUM VEITINGASTAÐ Í MIÐBORG PANAMA – MUN
ÓDÝRARA EN VÍÐA ANNARS STAÐAR
Espresso 1 $ / 125 kr.
Café con leche 1.5 $ / 190 kr.
Bjór, innlendur 2 $ / 250 kr.
Bjór, erlendur 3 $ / 375 k.
Vínglas hússins 4 $ / 500 kr.
Vínflaska, miðlungs 16 $ / 2.000 kr.
Mojito / Caipirinha / Margarita 5 $ / 625 kr.
Sushi-bakki, heil máltíð 8 $ / 1.000 kr.
Algengir kjúklingaréttir 10 $ / 1.250 kr.
Algengur fiskréttur 10 $ / 1.250 kr.
Nautalund 14 $ / 1.750 kr.
Humarhalar, heil máltíð 16 $ / 2.000 kr.
Leigubíll í Panamaborg 1,5-3 $ / 200-375 kr.
FRAMHALD AF FORSÍÐU
Frumskógurinn Það getur verið magnað að
ganga inn í skóginn og hlusta á dýrahljóðin
og fuglasönginn.