Fréttablaðið - 12.09.2009, Síða 68

36 12. september 2009 LAUGARDAGUR
■ Á uppleið
Menning. Nú hefjast frumsýningar
leikhúsanna, tónlistarhátíðin Réttir er
á næsta leiti og líka kvikmyndahátíðir.
Af nógu að taka fyrir menningarþyrsta
borgara.
Svart, hvítt og rautt.
Hin heilaga litaþrenning
rokksins er ávallt töff
og skýtur glamúr inn í
haustið.
Mexíkóska lúkkið.
Með Fridu Kahlo
og eyðimerkurrokki
koma mexíkósk
mynstur á kápur og
skyrtur. Afar svalt.
DJ Musician. Skýtur Gusgus ref
fyrir rass með flottustu og hressustu
teknóplötu ársins, „Sehr gut cocktail“.
Bravó!
■ Á niðurleið
Mojito kokkteilar. Þessi samsetn-
ing er alveg skelfilega tvöþúsundogsjö.
Flatbotna skór. Sorrý stelpur, háir
hælar eru alveg málið aftur í haust!
Birtan.
Úpps,
hvert fór
allt ljósið?
Rign-
ing og
grámóða
hafa
hvolfst
yfir okkur síðustu daga.
Skyndikynni. Æ, þetta er eitthvað
voðalega sorglegt og þreytt. Náin
kynni eru mun skemmtilegri og meira
spennandi þegar fólk þekkist vel. Og
ekkert samviskubit í morgunsárið.
MÆLISTIKAN
Hvað tekur þú mörg kíló í bekk-
pressu? Ég er alltaf einn í ræktinni
þannig að ég veit ekki hvað ég tek
mest. Hef hingað til ekki tekið séns-
inn á að verða mér til skammar.
Hvað gerir þú alltaf með glöðu
geði? Stangveiði. Ég er alltaf glað-
ur þegar ég fer að veiða.
Hvaða frasa ofnotar þú? Ég hef
sennilega ofnotað „að vera steikt/
steiktur“. Þetta var svona þriðja
hvert orð hjá manni í áttunda bekk.
Ég stend mig enn að því að segja:
„Hann er alveg steiktur, virkilega
El Grillo.“
Besti maturinn? Ég finn guð í
steiktum fiski í raspi með pönnu-
steiktum lauk, kartöflum og remm-
ara.
En ógeðslegasti maturinn? Ég
hef andstyggð á minestrone-súpu.
Fallegasti staður í heimi? Breið-
an í Norðurá í Borgarfirði er falleg.
Svo eru Þingvellir og Ásbyrgi ekk-
ert slor. Ég er alltaf svolítið hrifinn
af tæru vatni þar sem sést vel niður
á botninn, en það má einmitt finna
á öllum þessum stöðum.
Hvernig væri draumahelgin?
Eftir að hafa unnið Popppunkt
2009 myndi ég, kærastan mín og
stórvinahópurinn fara í veiðiferð á
alla bestu veiðistaði Borgarfjarð-
ar og borða saman steiktan fisk í
raspi.
Hvar ætlar þú að eyða elliárun-
um? Ég væri til í að njóta elliáranna
í golfi á Flórída. Ég væri alveg til í
að ferðast bara um allt á golfbíl.
Hvernig myndir þú lita á þér
hárið ef þú værir neyddur til? Ég
held ég svari þessu með annarri
spurningu. Hver myndi neyða mig
til að lita á mér hárið en hafa enga
skoðun á lit?
Hvað veitir þér innblástur? Frá-
bær tónlist og tónlistarmenn, hvers-
dagshetjur og ofurhetjur, vinir og
vandamenn.
Hver er besta hljómsveit allra
tíma? Jeff Who? (við hljótum að gera
einhverja snilld í framtíðinni).
Hver fær þig til að veltast um af
hlátri? Sá sem er nægilega fynd-
inn.
Hvenær gréstu síðast? Ég held
það hafi verið um jólin í hittifyrra.
Þá hafði ég keypt mér Matador-
spil á Þorláksmessu, því ég hélt
að enginn myndi gefa mér það. Á
aðfangadag kom Fróði, vinur minn,
með pakka til mín og blasti þá við
honum splunkunýtt Matadorspil-
ið á borðinu. Hans pakki var alveg
eins í laginu og Matadorspilið mitt.
Honum tókst að leyna vonbrigðun-
um framan af en þegar á leið var
þetta orðið nokkuð augljóst. Þegar
ég áttaði mig á af hverju hann var
svona skúffaður fór ég að hlæja,
svo fór hann að hlæja og þá grét ég
úr hlátri. Endir.
Hvað er það versta sem nokkur
hefur sagt við þig? Uss, ég vil ekki
segja það.
Hvað heldur fyrir þér vöku? Það
er fátítt að eitthvað haldi fyrir mér
vöku. Kannski helst ef ég er virki-
lega spenntur fyrir einhverju eða
hef drukkið of mikið kaffi að kveldi
til.
Hverju í fortíð þinni myndir þú
breyta ef þú gætir? Ef þetta er
svona mórölsk spurning, þá held
ég að ég myndi ekki breyta neinu.
Ef þetta er svona tæknilegs eðlis,
myndi ég bíða þar til ég væri orð-
inn eldgamall og breyta svo öllu í
minni fortíð.
Eftirlætis sjónvarpsefnið? Það
eru hið breska Office og hið danska
Klovn.
Besta kvikmyndin? Anvil: The
story of Anvil og The Big Lebowksi
– oooooog Point Break að sjálf-
sögðu.
Að hverju viltu spyrja andann í
glasinu? Getur þú veitt einhverjar
óskir?
Hvað er næst á döfinni? Jeff
Who? er að keppa til úrslita í Popp-
punkti 2009, þann 18. september,
í beinni útsendingu. Það verður
strembið en spennó. Svo erum við
að spila á styrktartónleikum fyrir
Alexöndru Líf á mánudaginn. Í lok
mánaðarins spilum við svo í sjón-
varpsstyrktarsöfnun „Á rás fyrir
Grensás“. Það er annars ekkert á
döfinni hjá mér persónulega, nema
kannski að kaupa Pop Tarts á amer-
ískum dögum í Hagkaup.
Finnur guð í steiktum fiski
Botnlaus popp- og rokkþekking bassaleikarans Elísar Péturssonar kom hljómsveit hans, Jeff Who, í úrslitaþáttinn í Popppunkti.
Í undanúrslitaþættinum sýndi hann líka óvænt kraftajötnatilþrif þegar hann lyfti 149 kílóum á poppvigtinni. Hólmfríður Helga
Sigurðardóttir vildi komast að fleiri leyndarmálum um poppheilann geðþekka og fékk hann í þriðju gráðu yfirheyrslu.
ÞRIÐJA GRÁÐAN
FULLT NAFN: Elís Pétursson
FÆÐINGARÁR OG STJÖRNU-
MERKI: 1980, hrútur.
LÍFSFERILLINN Í HNOTSKURN:
Þetta svona byrjaði frekar
hægt, en held að það sé eitt-
hvað að fara að gerast bráðum.
Annars bara nokkuð fínn.
ELLI Í JEFF WHO Ella þykir gaman að
veiða fisk og finnst fátt betra en að
steikja hann með lauk, kartöflum og
remmara. Hann vill samt alls ekki fá
minestrone-súpu í forrétt. Hann hefur
andstyggð á þeim mat.
FR
ÉTTA
B
LA
Ð
IÐ
/G
VA
áð-
Í tilefni af Vísindavöku 2009 efnir Rannís til teiknisamkeppni barna 6-9 ára og 10-12 ára.
Efni myndanna skal vera „Vísindin í daglegu lífi “
Myndum skal skilað fyrir 16. september til Rannís, Laugavegi 13, 101 Reykjavík.
Verðlaun verða veitt á Vísindavöku 25. september 2009. Nánari upplýsingar á...
...www.rannis.is/visindavaka
Laugavegi 13, 101 Reykjavík
sími 515 5800, rannis@rannis.is
www.rannis.is
Vísindavaka
2009
Skilafrestur er
til 16. sept. 2009
H
N
O
T
S
K
Ó
G
U
R
g
ra
fí
s
k
h
ö
n
n
u
n