Vikan - 15.03.1979, Síða 8

og hugsa því öðruvísi. Eldri mennirnir
vöndust miklu óbrotnari lífsvenjum en nú
tíðkast. Þeir þustu ekki út í ibúðabyggingar
strax og þeir komust á giftingaraldur. En
það eru einmitt þessar brjáluðu húsbygg-
ingar ungra manna sem er einn aðalóvinur
allrar félagsstarfsemi. Ungir menn sem eru
að byggja gera ekki mikið annað á meðan.
Hvað þá að þeir séu að velta stöðu sinni
fyrir sér og sinna samfélaginu. Þeir eru að
brjótast um í skuldafeni fram á síðustu ár.
Verkamannaheimili fyrr á árum saman-
stóðu af dívan, stólum og borði. Það getur
hver og einn borið það saman við það
sem þekkist i dag. Húsgögn tilheyra eftir-
striðsárunum.
— Fátækt? Það er miklu meiri fátækt á
íslandi en fólk almennt gerir sér grein fyrir
og þá helst i Reykjavík. Það er fólkið sem
vinnur eftir lægstu verkamannatöxtum og
hefur ekki yfirvinnu. Það er fólkið sem ein-
hverra hluta vegna hefur skerta starfsgetu.
Og þegar þar við bætist að það hefur ekki
miðað rétt í verðbólgunni þá er þetta fólk
ákaflega snautt, illa statt og í einu orði sagt
fátækt. Þetta fólk stundar ekki leikhús né
aðrar listir. Áður en Breiðholtið kom til bjó
þetta fólk í gamla bænum og yfirleitt i
heilsuspillandi húsnæði. í framhaldi af
þessu get ég ekki látið hjá líða að minnast á
þessa „idíótísku rómantíkera”, sem kalia sig
vinstri menn og eru nú farnir að dýrka
Lindargötuna og aðrar slíkar götur og telja
sig geta lesið einhverja menningu út úr
þeim húsum sem þar standa. Ég skil ekki
hvernig menning getur skinið út úr heilsu-
spillandi húsnæði.
— Ég vil minnast á annað sem tengist
þessu og gæti orðið alvarlegt mál innan
— Eldri verkamenn eru miklu betur
meðvitaðir um stöðu sína en þeir ungu.
Þetta er andstætt við skólamenn sem eru
róttækir í æsku en hægja svo á ferðinni. Það
eru afskaplega skörp skil milli eldri manna
og þeirra yngri hvað þetta áhrærir, Eldri
mennirnir eru miklu meiri hugsjónamenn
og það er eins og MartinLuther King sagði,
þeir hafa átt sinn draum. Draum um
atvinnuöryggi, um rétt barna sinna til
menntunar, um launajöfnuð og meiri
réttindi. Það er þessi þjóðfélagssýn sem er
ákaflega sterk í þeim. Ungu mennirnir
spretta aftur á móti upp úr öðrum jarðvegi
Ég skil ekki hvernig
menning getur skinið
út úr heilsuspillandi
húsnæði.
8 Vikan Xl.tbl.