Vikan - 15.03.1979, Blaðsíða 12
Tískan er ekki
aðeins
fyrir táninga
Það hefur löngum viljað
brenna við, að tískuhönnuðir
vorra daga gæfu þeim konum,
sem vel eru komnar yfir þrítugt,
engan gaum. En hvernig á orða-
tiltækið „Allt er fertugum fært”
að standa fyrir sínu, ef þeim
konum, sem komnar eru yfir
fertugt, er ætlað þaðan í frá að
sitja í peysufötunum sínum í
ruggustól og prjóna?
Konur komnar yfir fertugt
vilja svo gjarnan vera í tískunni,
enda finnst þeim, sem náð hafa
því marki, sá aldur ekki vera
neitt tiltökumál. Margar hverjar
eru svo heppnar að hafa góðan
vöxt og geta því átt skipti við
verslanir ætlaðar yngra fólkinu.
En þær, sem bera barnahópinn
utan á sér, hafa ekki um marga
staði að velja.
Við höfum að undanförnu tekið
mikið fyrir verslanir og klæðn-
að, ætlaðan yngra fólkinu, en nú
höfum við ákveðið að bæta úr
þvi og sýna hér klæðnað fyrir
konur komnar af léttasta
skeiðinu.
Klæðnaðurinn sem hér er
sýndur, er úr „Verðlistanum”,
sem er til húsa við Lauga-
læk/Hrísateig 47. Verslunin var
stofnuð í apríl 1965 og hefur æ
síðan verið í sama húsnæði.
Eigendur eru Erla Wigelund og
Kristján Kristjánsson, og sögðu
þau, að mikil áhersla væri lögð á
að hafa klæðnað á allan aldur í
öllum stærðum, en þó eru ekki
til föt á stúlkur fyrir innan
fermingu. Þau sögðust leggja
mikla áherslu á góða þjónustu
við landsbyggðina og senda því
ávallt í póstkröfu, ef þess er
óskað.
Ljósmyndari er Jim Smart, en
þær sem sitja fyrir heita
Jóhanna Bjarnadóttir, Val-
gerður Jóhannsdóttir og Sólborg
Árnadóttir.
HS.
Jóhanna stendur lengst til vinstri
og ar i finnskum prjónakjól sem
kostar 28.600 kr. Sólborg situr i
enskum krepkjól fró Radley, sem
kostar 43.700 kr. og Valgerflur er i
kjól mefl silkiáferð sem einnig er
fró Radley og kostar 39.800 kr.
12 Vikan ll.tbl.