Vikan - 15.03.1979, Blaðsíða 15

klaufalega á henni. En samt, og þó hún
væri ekki með demantseyrnalokkana, þá
var hún bæði glæsileg og smart. Hún
minnti Deedee á fyrsta þáttinn i
Giselle: hinir konungbornu heimsækja
fátækt sveitafólkið; og það að taka af sér
eyrnalokkana var nokkurs konar móðg-
un.
„Veiðistöng!” hrópaði Emma og var
greinilega skemmt. Þið farið þó virkilega
ekki að veiða!”
Deedee saup á vodkanu. „Jú. og við
höfum meira að segja fengið veiði.”
„Ó, leyfðu mér að fara með að veiða,
Deedee!”
„Við erum alveg hætt að fara. Skólinn
er starfræktur allt sumarið. „En núna,"
hún veifaði hendinni yfirlætislega.
„fáum við nýjan fisk sendan rneð flugi."
Emma lagði frá sér veiðistöngina og
gekk aftur að stólnum sem hún hafði
setið í. „Ég á aldrei eftir að upplifa það
að veiða fisk,” sagði hún tregablandinni
röddu og fór úr skónum.
„Ef þig langar til þá ferðu auðvitað.”
Rödd Deedee var uppörvandi.
„Guð minn góður hvað dansarar hafa
ljóta fætur!” Emma rétti úr fótunum á
köldum steinflísunum. Fótleggir hennar
voru mjög glæsilegir, ristarnar háar, en
tærnar allar skakkar og skældar og
þaktar blöðrum og líkþornum. Hún lyfti
kampavínsglasinu sinu. „Ef ég væri karl-
maður hefði ég getað fengið allan þann
fisk, ég meina börn, sem ég hefði viljað
og samt haldið áfrani að dansa."
„Hvað mörg börn?”
„O, þrjú.” Emma brosti ástúðlega til
Deedee. „Alveg eins og þín.”
„Og eignast eiginmann eins og
Wayne.”
„Já.” Hún leit undan og út i garðinn.'
„Þú ert lukkunnar pamfill.”
„Viltu skipta?” Deedee beið smástund
en hristi svo höfuðið. „Nei, ég get ekki
ímyndað mér þig kennandi hóp af óþæg-
um krökkum. Eða búandi í borg sem
loksins fær heimsókn af ballettflokknum
— og þá ekki nema tvær sýningar. Elsku
besta, þú valdir þér það lif sem þér hent-
aði best.”
Emma kinkaði kolli. „Og þú sömu-
leiðis.”
„Eiginlega ekki,” sagði Deedee lágt.
„Þú leyfðir mér það ekki.”
„Hvernig þá?”
„Hvernig þá! Þú hefur greinilega lært
að segja ekki of mikið á leið þinni upp á
tindinn.”
„Deedee.” Emma rétti úr sér, „í al-
vöru, þá veit ég ekki um hvað þú ert að
tala.”
„Manstu ekki þegar Michael byrjaði
að æfa fyrir Önnu Kareninu?”
„Jú, auðvitað!”
„Hver var látin æfa Önnu?”
„Bæði þú og ég.”
„Og?”
„Og?”
„Og...” Emma reyndi að rifja upp
liðinn tima til að skilja hvert Deedee
stefndi. „Ó! Og þú varðst ófrísk!”
„Og þú varst klöppuð upp nítján
sinnum.”
Emmu brá. „Berð þú kala til mín
vegna þess?”
„Nei. Ekki fyrir...”
„Vilt þú skipta? Ég er ekki klöppuð
fram nitján sinnum lengur.” Hún brosti
sem snöggvast. „Það er svo sem ekki
neinn annar heldur En það kemur að
því aftur. Og þá verður það ekki ég."
Hún hélt áfram hljómlausri röddu.
„Manstu eftir Dahkarovu?”
Deedee kinkaði kolli. 1 svefnherberg-
inu hennar var lítið skrini, fullt af mynd-
um af þeirri sem hafði verið aðalstjarnan
í ballettflokknum þegar þær voru að
byrja. Það var Dahkarova, átrúnaðar-
goð þeirra.
„Jæja, hún býr núna í íbúð i Carnegie
Hall sem er eins gömul og hún sjálf,”
sagði Emma allt að því kaldhæönislega.
„íbúðin er þakin myndum af henni
sjálfri í hlutverki Giselle. Hún kennir.
Þegar hún getur. Hún leigir út herbergi.
Þegar hún getur. Hún var stórkost-
leg ballerína, Deedee, en það hvarflaði
aldrei nokkurn tíma að Michael að nota
hana sem Önnu.”
„Hún var ofgömul.”
„Einmitt.” Emma fór í skóna. „Þakka
þér fyrir.”
„En Emma, þetta er bara ein af stað-
reyndum lífsins!”
„Ég verð að mæta á æfingu snernma i
fyrramálið. Það er líka önnur stað-
reynd.” Hún stóð á fætur og gekk inn í
Framhaldssaga
Þriðji hluti
húsið um leið og hún kallaði: „Hver
ætlar að fylgja mér heim?”
Deedee fannst eins og hún hefði
opnað vitlausar dyr. Henni fannst eins
og hún hefði verið látin dansa eftir
óskum annarra, gegn vilja sinum. Hún
hafði ekki spurt að því sem hana langaði
til að vita og hún hafði í rauninni ekki
heldur fengið nein svör. Hún mundi það
sem Emma mundi ekki. Eða sagðist ekki
muna. Hafði Emma forðast allar spurn-
ingar af ásettu ráði eða var hún bara
svona upptekin af sínum eigin — já,
hverju? Ótta? Hún var kvíðin. Það var
heldur ekkert undarlegt, þetta voru
erfiðir tímar fyrir hana. Þetta voru líka
erfiðir timar fyrir Deedee, hún var ekki
viss um hvers vegna. Ef til vill vildi hún
heldur ekki vita hvers vegna En ein-
hvern veginn var þetta miklu erfiðara
fyrir Emmu, Emma þarfnaðist mjög
hjálpar.
Hún náði henni fyrir framan útidyrn-
ar. Neðst piðri á bugðótta stígnum, sem
lá niður að gangstéttinni beið Michael
við hliðina á bilaleigubilnum ásamt
Peter.
„Ég sagði eitthvað sem ég átti ekki að
segja, er það ekki?” spurði Emma.
„Einsoghvað?”
„Ég vildi að ég vissi það." Þetta
hljómaði eins og spaug og Deedee hló.
En Emma var ekki að grinast. „Wayne
sagði að þú vildir ræða við mig um eitt-
hvað.”
„Þaðgeturbeðið."
„Segðu mér hvað það er.”
„Ég man það ekki í augnablikinu.”
Hún vildi ekki angra Emmu frekar. Hún
vildi komast í snertingu við hana, svo
hún krækti höndinni undir handlegg
hennar og gekk með henni niður stíginn.
„Kannski á morgun...” byrjaði
Emma, en nam svo snögglega staðar.
„Ó, einu var ég næstuni búin að gleyma.
Ég bauð Emilíu að mæta á æfingu með
flokknum á morgun.”
Deedee Ijómaði. „Ó, Emma ”
„Jæja, ég hef þá að minnsta kosti gert
eitthvað rétt, ekki satt?”
Deedee hló og faðmaði hana að sér.
„Ó, drífðu þig nú heim!” Hún kyssti
Emmu og stóð svo og horfði á hana fara
inn í bílinn sem myndi flytja hana heim
á hótelið þar sem litlu hvolparnir hennar
þrír biðu eftir henni.
Wayne kom út úr húsinu og lagði
handlegginn utan um hana. „Gastu
talað við hana um það sem þér lá á
hjarta?”
„Bæðijáognei.”
Þetta var heimskulegt svar sem eng-
an veginn dugði honum og það vissi
hún. Sú reiði sem henni hafði tekist að
bæla niður gagnvart Emmu, blossaði nú
upp og bitnaði á Wayne, en beindist svo
Þýð.: Halldóra Viktorsdóttír
Kvikmyndin „The Turning Point" hefur vakið
mikla athygli, ekki síst vegna frábærs leiks °
tveggja mikilhæfra leikara í aðalhlutverkunum,
þeirra Shirley MacLaine og Anne Bancroft, sem
leika Deedee og Emmu. Leslie Browne og
Mikhail Baryshnikov leika einnig stór hlutverk í
myndinni, en stjórnin er í höndum Herberts
Ross. Hann er einnig framleiðandi myndarinnar
ásamt Arthur Laurents, höfundi sögunnar, sem
hér birtist undir nafninu „Á krossgötum".
Kvikmyndin verður væntanlega sýnd í Nýja Bíói
síðar á árinu.
tr v
li.tbl. Vikan 15