Menntamál - 01.12.1941, Qupperneq 62

156
MENNTAMÁL
í útvarpið, er hann nefndi: Fleiri börn í sveit að sumar-
lagi.
Um þær mundir fór hernám landsins fram, vorskólar
lögðust niður og brýn þörf þótti að auka starfsemina að
mun. Á þessu sumri voru því rekin á vegum opinberra
stofnana og félaga 10 barnaheimili. Auk þess voru nokkur
hundruð börn styrkt með fatagjöfum, fargjöldum o. fl., er
þau fóru til dvalar á sveitaheimili. Þessi starfsemi tókst
yfirleitt vel, þótt á byrjunarstígi væri. Áður hafði ekkert
verið greitt fyrir börnum á þennan hátt og aðeins 2—3
sumardvalarheimili verið rekin undanfarin sumur.
Næst er þess að geta, að í febr. 1941 snýr Barnaverndar-
ráð íslands sér til ríkisstjórnarinnar, gerir skil fyrir síð-
asta ár og spyrst fyrir um, hvort gera megi ráð fyrir svip-
uðum stuðningi til starfsins eins og s. 1. sumar. Ríkisstjórn-
in tók málinu vel og hét að greiða V2 styrk móti bæjar-
félaginu, að undangenginni fjársöfnun, og að því tryggðu,
að nefndin, sem þessum málum veitti forstöðu, sæi um, að
aðstandendur borguðu eftir efnum og aðstæðum fyrir börn-
in. Þannig var fenginn öruggur fjárhagslegur grundvöllur
til að hefja starfið á. Var svo mynduð 7 manna nefnd, er
þannig var skipuð: Fyrir Barnaverndarráð íslands: Arn-
grímur Kristjánsson skólastjóri, Ásmundur Guðmundsson
prófessor, Sigurður Thorlacius skólastjóri. Fyrir Rauða kross
íslands: Þorsteinn Sch. Thorsteinsson lyfsali, Haraldur
Árnason kaupm. Fyrir bæjarstjórn Reykjavíkur: frúrnar
Guðrún Pétursdóttir og Soffía Ingvarsdóttir.
Jafnframt því sem nefnd þessi var fyrir Reykjavík, starf-
aði hún til fyrirgreiðslu um land allt í hernumdum bæjum.
Öryggismálanefnd ríkisins starfaði í sambandi við þessa
nefnd, svo að hún var nokkurkonar viðtalsnefnd fyrir
hönd ríkisstj órnarinnar, sem útvegaði fólki í öðrum bæj-
um samskonar styrki og Reykjavík var lofað; hún kvatti
félög til starfa og hafði samstarf við aðra bæi landsins.