Æskan - 01.11.1968, Blaðsíða 3

T> ærinn Betlehem stendur á lágu
fjalli, en undirhlíðar fjallsins eru
klæddar görðum og olíutrjám. í þess-
um bæ fæddist Jesú í helli einum og
var lagður í jötu, en hellar voru oft
á þeim tímum notaðir til fjárgeymslu.
Þegar hinn kristni keisari Konstant-
in tók sér fyrir hendur árið 330 að láta
reisa minningarkirkju á fæðingarstað
Jesús lifði sú helgisögn, að fæðingar-
staðurinn hefði verið í einum ákveðn-
um helli, og var kirkjan reist þar.
Síðan hefur Betlehem nokkrum
sinnum verið eydd í styrjöldum. En
hvað sem á hefur gengið hefur fæðing-
arkirkjunni jafnan verið þyrmt. Hún
stendur því þarna enn og er ein elzta
kirkja í heimi. Ekki er hún þó i sinni
upprunalegu mynd, heldur hafa við-
byggingar stöðugt verið að bætast við
hana. Hefur útlit hennar því ger-
breytzt, í staðinn fyrir litla kirkju er
komin ólöguleg og óskipuleg hvirfing
húsa, þar sem hverri viðbótinni hefur
verið klastrað utan á aðra.
Fæðingarkirkjan er nú sameiginleg
eign grísk-, armensk- og rómversk-
kaþólsku kirknanna.

Að innanverðu einkennist fæðing-
arkirkjan af einfaldri fegurð. Hún er
krogslaga og langkirkjan er sett saman
af þremur skipum. Miðskipið markast
af tveimur korintskum súlnaröðum og
má sjá á súlunum leifar miðaldamál-
verka. Kirkjuhiminninn er skreyttur
mósaik-myndum frá því á tólftu öld.
Þar er meðal annars mynd af postul-
unum tólf og er það óvenjulegt við
myndina að þeir bera ekki geislabaug
um höfuð.
Háaltarið er hin fegursta smíð,
skrýtt margvíslegum djásnum. Tveir
lágir tröppugangar liggja sitt hvorum
megin við altarið, niður í hellinn, sem
er beint undir altarinu. Þar er sagt að
Jesúbarnið hafi komið i heiminn.
Hellirinn er einfaldur og frumstæður
en í honum miðjum hefur verið reist
lítið altari. Við altarið hefur hellirinn
verið klæddur marmara og í miðja
marmaraklæðninguna hefur verið
grópuð fjórtán arma silfurstjarna og
er henni ætlað að marka fæðingarstað-
inn. Á hana eru skráð þessi orð: Hér
er Jesús Kristur fæddur af Maríu
mey.
Yfir stjörnunni hanga skrautleg ljós
og reykelsishylki, sem hinýmsukirkju-
félög nota við helgiathafnir sínar.
Hingað að þessu altari stefna hinir
mörgu pílagrímar að fæðingarstað
Jesús, hér krjúpa þeir og biðja hljóða
bæn.
Ekki langt frá þessum helga stað má
enn sjá sauðahjarðir á beit og hjarð-
mennina sem vaka yfir þeim með hirð-
ingjastafinn alveg eins og hirðingjarn-
ir sem stóðu þar yfir fé sínu fyrir 1968
árum og sáu furðusýnina miklu á
himninum og engilinn sem birtist
þeim og sagði:
Ég boða yður mikinn fögnuð, sem
veitast mun öllum lýðnum, því að yð-
ur er í dag frelsari fæddur, sem er
Kristur Drottinn í borg Davíðs.
★ ☆ ★ ☆ ★ ☆ ★ ☆ ★☆★☆★☆★^’*
431