Iðunn : nýr flokkur - 01.07.1925, Side 30

188
Þorsteinn Jónsson:
IÐUNN
var, ef það kostaði það að gereyða flota Þjóðverja.
Þeir áttu heima fyrir 9 orustuskip, auk þess höfðu
Frakkar og Italir mörg skip. Allur floti Þjóðverja nema
2 orustuskip, þó ekki fullsmíðuð, voru í orustunni. Full-
víst er talið að stríðið hefði a. m. k. staðið ári skemur
ef Bretar hefðu gersigrað víð ]ótland.
Það var siður Nelsons í orustum að nota skip sín
vægðarlaust með það fyrir augum að gereyða flota óvin-
anna. Bæði við Abukir og Trafalgar gerði hann þetta.
Sama gerði Togo, 27. maí 1905, er hann gersigraði
flota Rússa við Tsushima-ey. Sama hefði Beatty gert,
ef hann hefði ráðið. Jellicoe kaus að fara varlega, en
hann vann ekki sigur.
Sérfræðingar telja flota Þjóðverja hafa verið stjórnað
afbragðs vel í orustunni. Auðvitað gat hann enga von
haft um sigur eftir að Jellico kom til orustu, en von
Scheer telja allir að hafi gert það sem við átti í hvert
skifti og hægt var að gera. Hann hélt flotanum vel
saman á undanhaldinu um kvöldið og nóttina; aftur á
móti færir Jellicoe það sem ástæðu fyrir því, að hann
réðist ekki á Þjóðverja snemma um morguninn 1. júní,
við Hornrif, að floti sinn hafi verið tvístraður og hefir
Jellicoe, með réttu, hlotið ámæli fyrir það.
Hvað snertir manntjón og skipa, má segja að Bretar
hafi beðið ósigur. Þeir mistu 3 vígdreka, 3 brynjuð
beitiskip og 8 tundurspilla, alls 14 skip. Mannfall var
6447 dauðir og 564 særðir. Þjóðverjar mistu 1 vígdreka,
I gamalt orustuskip, 4 létt beitiskip og 5 tundurspilla, alls
II skip. Mannfall var 2586 dauðir og 490 særðir. Af
skipum þeim er heim komust voru, eins og áður er sagt,
miklu meiri skemdir á ensku skipunum, þótt skip Hippers
væru afar illa leikin. Aftur á móti má segja að Eng-
lendinqar sigruðu að því leyti, að þeir ráku Þjóðverja í