Kirkjuritið - 01.01.1950, Blaðsíða 44

Séra Halldór Einar Johnson,
In memoriam.
Hann var, eins og kunnugt er, einn þeirra, sem fórust
með m.s. „Helga“ við Vestmannaeyjar.
Séra Halldór fæddist að Sólheimum í Blönduhlíð í
Skagafirði 12. sept. 1885. Foreldrar hans voru Jón Jóns-
son Sveinssonar prests á Kálfafellsstað og Ingunn Björns-
dóttir. Hún var systir Símonar Dalaskálds. Hann ólst upp
með ömmu sinni, Guðrúnu Sölvadóttur frá Steiná á Reykja-
strönd, og manni hennar Jóni Jónssyni frá Skrapatungu i
Gönguskörðum. Árið 1904 innritaðist hann í gagnfræða-
skóla Akureyrar og stundaði þar nám í tvö ár. Til Vestur-
heims fluttist hann 1907 og var til heimilis í Dakota til
1917. Stundaði hann í 4 ár nám í Valparisio University
og útskrifaðist þaðan sem B. Sc. Næstu árin stundaði
hann guðfræðinám við lútherska prestaskólann í Chi-
cago og lauk þar prófi 1917. Vigðist hann þá prestur til
Leslie, Sask., og starfaði þar í 4 ár.
Árið 1923 fékk hann köllun frá Blaine og Point Roberts-
söfnuðum vestur við Kyrrahaf og fluttist þangað sama ár.
Var hann alllengi hin síðari æviár prestur hjá Samein-
aða íslenzka kirkjufélaginu. Séra Halldór var þríkvæntur.
Fyrsta kona hans var Þóra Jónsdóttir, ættuð úr Borgar-
firði syðra. Lézt hún í Blaine 1924. öðru sinni kvæntist
hann Matthildi Þórðardóttur frá Hattardal. Að henni lát-
inni kvæntist séra Halldór Jenny Johnsen, og lifir hún
mann sinn, ásamt einni fósturdóttur og 3 stjúpbörnum.