Kirkjuritið - 01.01.1950, Blaðsíða 64

Séra Einar Thorlacius:
Minningar
úr Prestaskóla.
Daginn fyrir aldarafmæli Prestaskólans haustið 1947 lauk
aðalfundi Prestafélags íslands með fjölmennu samsæti. í því
var það m. a. til fróðleiks og skemmtunar, að einn af elztu
prestunum, séra Einar Thorlacius prófastur, sagði nokkuð frá
veru sinni í Prestaskólanum. Á eftir bað ritstjóri Kirkjurits-
ins séra Einar um erindið til birtingar, og tók hann því hið
bezta. En það dróst, að hann sendi handritið. Nú eftir lát
prófasts afhenti sonur hans, Magnús Thorlacius hæstaréttar-
lögmaður, Kirkjuritinu erindið, og birtast það hér eins og það
var flutt. Má ætla, að mörgum verði ljúft að lesa þessar minn-
ingar hins mæta manns.
Þær eru farnar að þynnast raðir þeirra, er voru í Presta-
skólanum í minni tíð. Ég gekk í Prestaskólann haustið 1887,
og vorum við 9, en þó ekki í neinni „nauðungarstíu", eins og
séra Matthías Jochumsson kvað í glensi, löngu áður. Við geng-
um í Prestaskólann eftir frjálsu vali. Af þessum 9 erum við
séra Magnús Bl. Jónsson einir á lífi. í eldri deild voru 14 guð-
fræðistúdentar, og eru nú aðeins 2 þeirra á lífi, þeir séra
Theódór Jónsson á Bægisá og séra Matthías Eggertsson. Seinna