Kirkjuritið - 01.01.1950, Blaðsíða 35

SÉRA THEÓDÓR JÓNSSON
33
^iggja enn —, sem þjóðin mátti ekki og má ekki enn án
vera. Prestsetrin hafa verið andleg heimili safnaðanna,
menningarsetrin; þangað hefir verið leitað á sorgar- og
gleðistundum; þangað hafa verið sótt holl ráð á vanda-
stundum, og ósýnileg bönd kærleika og tryggðar hafa
tengt hvert heimili prestakallsins við prestsetrið og þann
leiðtoga og vin, sem þar hefir verið að hitta.
1 Bægisárprestakalli hafði síra Theódór Jónsson lifað og
starfað meðal safnaða sinna í 59 ár, og af þeim 51 ár
sem starfandi prestur, þar af síðustu 6 árin, þegar hann
fyrir aldurs sakir átti að láta af embætti, eftir eindreg-
inni og einróma beiðni safnaða sinna. Það er ekki óal-
gengt, að oss prestum finnist stundum við mæta furðan-
lega litlum skilningi frá safnaðanna hálfu og við tölum
alltof oft fyrir daufum eyrum og sjáum lítinn árangur
starfsins. En við erum sjálfsagt misjafnlega dómbærir í
þeim efnum. Fræið þarf stundum að liggja lengi í jörð-
inni, þangað til það fer að skjóta rótum; mustarðskornið
smáa verður ekki í einu vetfangi að stóru tré, svo að
hægt sé að leita skjóls undir greinum þess. Ég efa það
ekki, að eins tilfinninganæmur maður og sómakær eins
og síra Theódór Jónsson var hafi stundum í sínum langa
prestskap haft allþungar áhyggjur, fundizt eins og fleir-
uni, að lítill sýnilegur árangur væri af starfi hans. En
söfnuðir hans sýndu honum það á gamals aldri, hvílík
ítök hann átti í hjörtum þeirra. Enda væri annað lítt skilj-
anlegt. Hinn langi þjónustutími hans, meir en hálf öld,
hinn hlýi persónuleiki hans og alúð við alla jafnt hlaut
að hafa tengt þau bönd kærleika og samúðar, sem urðu
að segja til sín. Enda var það svo. Prestur, sem um hálfr-
ar aldar skeið, í sömu söfnuðum, hefir veitt hverju bami
heilaga skírn, staðfest öll ungmennin, lýst blessun yfir
öllum brúðhjónum og kvatt hinztu kveðju og moldu aus-
ið alla þá, sem látizt hafa, hlýtur að vera tengdur órjúf-
anlegum tengslum við hvert einasta heimili og hvert
mannsbam tveggja kynslóða. Nú em þessi bönd rofin,
3