Kirkjuritið - 01.06.1962, Blaðsíða 32

Kirkjuritið - 01.06.1962, Blaðsíða 32
270 KlftKJURITIÐ Á þessuni tímum, þegar deyfðin í kirkjunni er orðin að orðs- kviði og því heyrist oft fleygt að kristindómurinn sé rótkalinn, heyri jafnvel þegar fortíðinni til, vantar sannarlega vakninga- menn — eldhuga. Það er þess vegna, sem ég skora á þennan mann, sem ég veit ekki hver var, (en mér skildist að væri kirkjunnar maður í sönnum skilningi), að hlaupa undir baggann og bera eld í Kirkjuritið. Ritið skortir ekkert eins mikið, og hann getur ekkert betur gert, þeirri stofnun til blessunar og því málefni til eflingar, sem ég hygg að honum muni standa hjarta næst. Þegar bardaginn hallast á þann, sem síður skyldi, verður hjáseta þess ill, sem á bæði vopnin og verjurnar fyrir utan máttinn til að skakka leikinn og snúa undanhaldinu upp í sig- ursókn. Þetta er brýning til allra, sem geta gert Kirkjuritið betur úr garði og unna Guðs kristni í landinu. Og þeir eru sem betur fer ótal margir. Sendið greinar — sem brenna. Árblik Fátt hefur breytzt tiltölulega minna en skólanámið hér- lendis í öllu umróti síðustu áratuga. Umgerðin hefur óneitan- lega tekið algjörum stakkaskiptum, hvert skólahúsið rís öðru veglegra og betur kostum búið. Skólatíminn hefur lengst og námsefnið aukist mikið. En kennsluaðferðirnar eru þær sömu og um liðnar aldir. Mest megnis þululærdómur og yfirheyrsl- ur, í æðri sem lægri skólum. Og eins og drepið hefur verið á áður, er kynlegt að hugsa til þess að jafnhliða því, sem vinnu- dagar fullorðins fólks hafa stytzt og þeim farið fækkandi, hefur vinnutími unglinga og annarra, sem á skólabekkjum sitja lengst. Ekki mun of í lagt að margir nemar verði að erfiða við nám — sitja á skólabekk og lesa undir tíma — a. m. k. tíu stundir að jafnaði sex daga vikunnar allan veturinn. Og eiga heldur ekki frjálsa alla helgidagana. En það er að byrja að daga á þessu sviði. Sá skilningm' færist í aukana að nauðsyn beri til að létta nokkuð okið á nemendunum. Kenna jafnvel ekki nema hæfilegan tíma fimm daga vikunnar. Svíar eru t. d. farnir að kanna þá leið. Einnig verða æ fleiri kennarar og forráðamenn fræðslumálanna, sem

x

Kirkjuritið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Kirkjuritið
https://timarit.is/publication/443

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.