Kirkjuritið - 01.10.1970, Blaðsíða 12

Kirkjuritið - 01.10.1970, Blaðsíða 12
346 KIRKJURITIÐ IX. Ógnlegt er að lesa sumar lýsingarnar á því, hvernig börnin voru útlítandi á líkama og sál, þegar þeim var veitt viðtaka. Mörg voru þau munaðarleysingjar, sem enga fræðslu höfðu fengið. 10 ára piltur vissi ekki mun á Guði og páfanum, 18 ára piltur þekkti ekki stafina og gat aðeins talið upp að 6, auðsjáanlega enga fræðslu fengið í skóla. Þegar börn eru tekin á stofnanirnar, er ekki tekið neitt tillit til trúarbragða eða litarháttar. Ef þau eru þurfandi, er þeim veitt viðtaka. Ekki eru aðeins tekin stálpuð börn, heldur einn- ing ungbörn, jafnvel fárra daga gömul. Fáeinar tölur sýna, hversu vel starfsemi barnavinarins Barn- ardo blómgaðist. Fyrsta starfsárið (1866) voru tekjurnar 3875 krónur, 1870 voru þær 43J22 krónur, 1905 voru þær 3,8 millj- ónir króna, 1907 voru þær 4 milljónir, en 1952 37 milljónir. 1866—1953 höfðu farið frá Barnardo-stofnununum 143.000 börn. Barnardo lézt 19. september 1905 af hjartaslagi. Utför hans fór fram með mikilli viðhöfn og fylgdi honum til grafarinnar gífurlegur fjöldi þeirra, sem hann hafði komið til manns. Við útför hans sást greinilega, hversu elskaður og virtur hann var, þessi frábæri mannvinur. Hann gat vissulega á síðustu ævidögum sínum litið yfir stórfenglegt lífsstarf. Þá höfðu yfir 60.000 börn dvalið á barna- lieimilum hans. Aldrei hafði hann þurft að nota vöndinn og aldrei beitt þvingunum. Hann hafði farið að öllum með góðu og þannig kallað hið góða fram í sálum þeirra. Hann hafði stuðlað að því, að sérhver unglingur fengi það starf, sem hon- um hentaði bezt. Þannig hafði börnunum verið kennd hin margvíslegustu störf, fyrst þó aðallega landbúnaðarstörf. En Barnardo sá svo um, að liver fengi að hafa svo mikið frelsi, sem frekast var unnt. Oft varð Barnardo að grípa til mælsku sinnar, til þess að afla stofnunum sínum tekna. En þegar það dugði ekki, greip hann pennann og sýndi þá snilli sína að mæla fyrir stofnunun- um. I því skyni gaf hann út tímarit og mýmörg flugrit. Oft varð hann að leggja hart að sér, til þess að vinna fyrir börn- unum sínum. En hann taldi slíkt ekki eftir sér, þó að vöku- næturnar yrðu margar.

x

Kirkjuritið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Kirkjuritið
https://timarit.is/publication/443

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.