Kirkjuritið - 01.10.1970, Blaðsíða 20

Kirkjuritið - 01.10.1970, Blaðsíða 20
354 KIRKJURITIÐ Dom Helder heldur biskupsembætti sínu í Recife. Hann gerir það, sem honum er unnt til að bæta kjör fátæklinganna og milda mein öreiganna. En jafnframt stendur hann á þvi fastar en fótunum að það séu aðeins sárabætur, líkar Rauða- krossþjónustu í hernaði. Stríðið sjálft snúist um sigur réttlæt- isins, og það verði að heyja á hverjum stað, í hverju héraði, hverju landi, í öllum heiminum. Helder segir Brazilíu smækkaða mynd af veröldinni. Hinir ríku eru fáir og sitja að völdunum. Allur þorrinn bláfátækur og varnarlaus. Stjórnin viðurkennir mannréttindin, en lítio sem ekkert er gert til að tryggja þau, nema að nafninu tiL Helder er einlægur fylgjandi obeldislausrar andspyrnu, en bendir á að ofbeldið á sér stað í margs konar myndum. Mesta ofbeldið og móðir alls annars ofbeldis, er að hans dómi rang- lætið, sem alls staðar viðgengst. Það leiðir til ofbeldis byh- inganna, en þær fæða af sér einræði og harðstjórnir. Stundum verður ekki komist hjá örþrifaráðum, sem örðugt er að fordæma, eins og allt er í pottinn búið af þeim, sem hafa töglin og hagldirnar. Helder er ekki marxisti og gerir ekki mikið upp á mih1 aðfara stórveldanna í garð þróunarlandanna. Hann viðurkennir að kirkjan hefur síðustu aldirnar viðrað sig upp við valdhafana í öllum löndum og oft verið liðsmaður hinna ríku, þótt hún talaði fagurlega í eyru fátækra. Játar jafnframt að hún sé að opna augun og átta sig. Henni ríðui það líka á miklu. Haldi hún sama strikinu og áður snýr æskan og framtíðin við henni bakinu. Kristur er ekki aðeins frelsari í andlegum skilningi. Hann boðar mannfrelsi í víðtækustu merkingu. Og þar með réttlat þjóðskipulag. Sumir starfsbræður Helders styðja mál hans- Margir þora það ekki vegna hræðslu við stjórnarvöldin. Síðan í árslok 1968 eru blöð og fjölmiðlunartæki Helder lokuð. En hann hefur ferðafrelsi og má tala innan biskups' dæmis síns um annað en stjórnmál. Stjórnin kallar það land' ráð, að hann hefur sagt það erlendis að fangar væru pyntaoi í Brazilíu. Helder svarar því til að það væru landráð, ef han1 hefði þagað um það. Og meðan hann má tunguna hræra býs bann við að erfitt verði að kefla hann svo að hann kingi pvJ' sem hann veit sannast og honum brennur mest fyrir brjósti-

x

Kirkjuritið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Kirkjuritið
https://timarit.is/publication/443

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.