Eimreiðin - 01.04.1944, Qupperneq 68

132
LEIKOANSINN OG STYKJÖLDIN
13IMREIÐIN
Úr ballettinam „Eldstólpinn“ eftir Anthony Tudor meS hljómlist eflir
Schönberg.
fram úr að nútímatækni, dansfegurð og dramatískum þrótti. Þeir
eru „Liljugarðurinn“ með hljómlist eftir Chausson, „Eldstólp-
inn“ með hljómlist eftir Schönberg og ný útfærsla á „Romeo og
Júlíu“ með hljómlist eftir Frederic Delius.
Ballettinn í Bandaríkjunum er að verða þjóðleg list, með sín-
um sérstöku einkennum, þrátt fyrir löng og varanlég áhrif fra
Rússum. Skýrt koma þessi þjóðlegu sérkenni fram í ballett ein-
um um lífið í vesturhéruðum Bandaríkjanna, sem sýndur var
víðsvegar um Bandaríkin á síðastliðnu ári. Ballett þessi heitir
Rodeo, og koma þar fram á sjónarsviðið kúrekar frá sléttum vest-
urhéraðanna og önnur atriði sérstæð fyrir amerískt þjóðlíf.
Hvenær fáum vér íslendingar að sjá leikdans í þjóðlegum stíl?
Vafalaust ekki fyrr en nýja þjóðleikhúsið er tekið til starfa. En
þá ættu að skapast skilyrði til þess, að hægt yrði að sýna einnig
hér þá liina fögru láthragðslist, sem ballettinn býr yfir og náð
hefur svo miklum vinsældum í Vesturheimi.
Sv. S.