Eimreiðin - 01.04.1948, Page 38

HIMREIÐIN
Lífgrös og græðijurfir.
Trúin á lækningamátt grasa og jurta er jafngömul mannkyn-
inu. 1 íslendingasögum er þess oft getið, að særðir menn og sjúkir
hafi verið læknaðir með græðijurtum og lífgrös verið lögð við
sár manna, svo þeir urðu alheilir á skömmum tíma. Þjóðsögur
og munnmæli herma frá slíkum lækningajurtum, og enn í dag
er trúin á lækningamátt jurtanna rík í hugum margra hér á landi.
Er það í rauninni engin furða, því svo mörg dæmi eru þess, að
menn hafi læknazt með því að nota jurtir eða seyði af þeim.
Meðal annars er því trúað, að sumar íslenzkar jurtir lengi lífið,
sé seyðið af þeim drukkið að staðaldri, helzt daglega. Mann
þekki ég, sem nú er um áttrætt og farið hefur til grasa á hverju
sumri um langt árabil. Hann notar fjallagrös árið uni kring og
trúir á græðimátt þeirra og lækningakraft, enda við ágæta lieilsu
og vel vinnufær enn í dag.
1 læknisfræðinni er lífsgildi og græðandi kraftur margra jurta
viðurkennd staðreynd. Lyfjafræðin sækir flest sín nauðsynlegustu
efni í jurtaríkið. Allir þekkja nú orðið hér á landi náttúrulækn-
ingastefnuna svonefndu. Náttúrulæknar telja jurtafæði, ásamt
sól-, loft- og vatnsböðum, lengja lífið og varðveita heilsuna. Kunn-
asti forvígismaður þessarar stefnu hér á landi, Jónas læknir
Kristjánsson, hefur í tímaritinu „Heilsuvernd“ ritað um lækninga-
mátt innlendra nytjajurta og brýnt fyrir mönnum að færa sér
hann í nyt meira en áður. Hann hefur varað við nautn áfengra
drykkja, tóbaks og annarra eiturefna, sem Islendingar nota nú í
allt of ríkum mæli. Og liann hefur allra íslenzkra lækna mest og
bezt sýnt fram á hina miklu kosti, sem jurtafæða hafi fram vfir
kjötmetið. Starf hans í þágu heilsuverndar hér á landi hefur enn
ekki verið metið til fulls, en mun verða þeim mun betur metið
síðar. 1 grein um laukinn í 4. hefti Heilsuvemdar 1947 er skýrt
frá þeirri alþýðutrú, að laukurinn hafi lækningamátt til að bera
og hvemig ýmsir náttúrulækningafrömuðir nútímans hafa nu
sannað réttmæti þessarar alþýðutrúar, bæði að því er snertir