Ægir - 01.01.1933, Blaðsíða 44
Bakkafjörður. Frá aldamótum og fram
undir 1920, var mikill smábáta-útvegur
á Bakkafirði. Byrjuðu Færeyingar að gera
þaðan út fyrir síðustu aldamót, en mest
var útgerðin um aldamót og fram til
1915—1916. Er mælt að um 60 bátar
færeyskir og íslenzkir hafi stundað veiði
þaðan þegar flest var. Á Bakkafirði er
nú lítil útgerð. Stafar það ekki af því,
að veiði sé þar ekki eins góð og áður
var, heldur af hinu, að flestir sem veiði
stunduðu þaðan, voru aðkomumenn —
Færeyingar og Sunnlendingar. — Aust-
fjarðaferðir Sunnlendinga lögðust niður,
og ár frá ári minkaði Færeyingahópur-
inn, sem kom til íslands til að stunda
smábátaveiði. Þó hafa Færeyingar stund-
að veiði frá Bakkafirði þar til í sumar,
að þeir sáu sér ekki fært að gera út frá
íslandi, vegna hins lága verðs er var á
aflanum í vor. Frá Bakkafirði er mjög
skammt á fiskimiðin, og er þar venju-
lega góður sumarafli. Við sjóinn hefur
verið lagað til, svo að mjög hentugt er
að koma aflanum á land. Er þessi »af-
köst« á tanganum, sem húsin standa á,
innanverðum. Væri lagað til á svipaðan
hátt við tangann utanverðan — sem er
kostnaðarlítið — mætti landsetja aflann
hvoru megin á tanganum, sem væri, eftir
vindstöðu, og get ég þá ekki betur séð,
en að Bakkafjörður væri mjög hentugur
veiðistaður um sumartímann fyrir opna
vélbáta og árabáta.
Vopnafjörðnr. Um Vopnafjörð má segja
svipað og Bakkafjörð, að útgerðin þar
»má muna sinn fífil fegri«. Færeyingar
byrjuðu þar útgerð árið 1883 eða 4, en
mest var útgerð þar um 1888 Þáerlalið
að um 30 bátar færeyskir og 12 íslenzkir
hafi stundað fiskveiðar frá Vopnafirði.
Hélzt þessi útgerð fram undir aldamót.
Komu Færeyingar venjulega í maímán-
uði og fóru aítur í sept.—okt. Sagt er
að hlutamenn hafi fengið 1000 króna
hlut árið 1888, og var það mikið fé á
þeim tíma. Pá er og haft í minnum
haustið 1895. Iíom þá afli í Vopnafjörð
3. ágúst svo mikill, að menn tví- og þri-
hlóðu. Hélzt þessi afli nokkuð fram eftir
hausti, enda var þá síldargengd mikil í
firðinum. 1907 voru gerðir út dekkaðir
vélbátar frá Vopnafirði og reyndar siðar.
Nú er þessi útgerð niðurlögð. Veiða menn
nú eingöngu á opnum vélbátum, þegar
á sjó er farið. Aðstaða við sjóinn á Vopna-
firði er ekki góð. Bót hefur þó verið
ráðin á þessu að nokkru leyti, þar sem
bryggja var gerð þar á síðastliðnu sumri.
En til þess að bryggjan komi að fullum
notum, þarf að lengja hana frá því sem
hún nú er, um ca. 8—10 metra. Fé mun
ekki vera fyrir hendi til að ljúka þessu
verki. — Kjötfrystíhúsi var og komið upp
á Vopnafirði á siðastliðnu sumri. Er ekki
ósennilegt að þar verði einnig fryst síld,
þ'egar fram liða stundir, því að oft er
síld á Vopnafirði á haustin og vorin,
þótt hennar verði eigi vart annarsstaðar
á Anstfjörðum, og gæti Vopnafjörður þá
orðið hjálparhella Austfirðinga ogjafnvel
fleiri landsmanna í beituskorti. — Út af
Vopnafirði liggur hið mikla Kollumúla-
grnnn. Er þar oft sumarafli góður. Ann-
ars er lengra að sækja á fiskmiðin frá
Vopnafirði, en hinum nyrðri höfnum er
ég hef áður nefnt, en höfnin er þar öllu
betri. Geta allstór skip — fiskiskip —
legið fyrir innan Skiphólma, en þá þarf
að hafa múrningar til að liggja við, því
að haldbotn er slæmur, enda eru þar
enn þá múrningar, er verzlanarskip not-
uðu á þeím tíma, er Vopnafjörður var
einhver helzti verzlunarstaður Austur-
lands. Vopnafjörður hefur góð skilyrði
sem veiðistöð um sumar og haustmánuði.
Ef um ísfisk-útflutning væri að ræða,
getur Vopnafjörður komið til greina, sem