Ægir - 01.02.1944, Page 54

84
Æ G I R
vík, nú stýrim. hjá Ríkisskip. Kristinn J.
Heígason, síðar bifreiðakennari í Reykja-
vík, dáinn fyrir nokkrum árum og Ólafur
Guðmundsson útgerðarmaður í Hrísey.
Stofnfundur var haldinn 5. janúar 1919
og voru stofnendur 22.
Fyrstu stjórnina skipuðu:
Formaður Óskar Siggeirsson, vélsmiður.
Féhirðir Páll Jónatansson, vélsmiður.
Ritari Jón Hinriksson, vélstjóri.
Um stefnu og tilgang félagsins, segir svo
í 2. gr. félagslaganna.
„Tilgangur félagsins er, að efla félagslíf
meðal vélstjóra (og vélgæzlumanna) þeirra,
sem í félagið ganga og auka þekkingu
þeirra í starfinu og yfirhöfuð að efla og
viðhalda hag félagsmanna og sjá um að
félagsmönnunum sé ekki gert órétt i þvi,
sem að vélstjórn Iýtur.“
Á fyrsta starfsári félagsins var stofnaður
styrktarsjóður, og er sjóður þessi orðinn
þess megnugur, að geta styrkt nokkuð fé-
lagana í veikindatilfellum.
Félagið hefur jafnan verið vel á verði um
öll áhuga og hagsmunamál vélstjórastétt-
arinnar. Enn fremur hefur félagið haldið
uppi nokkri skemmtistarfsemi. Jólatré
fyrir börn félagsins o. fl.
Eitt aðal áhugamál félagsins nú, er að
haldin verði á Akureyri hin meiri vélstjóra-
námskeið.
Félagið hélt 25 ára afmælisfagnað sinn
í samkomuhúsinu á Akureyri 8. jan. s. 1.
Var þar mikið fjölmenni. Var skemmtun
fjölbreitt og hin bezta. Fjöldi heillaóska-
skeyta bárust félaginu.
Árna ég félaginu allra heilla í tilefni af
aldarf jórðungsafmælinu.
//. P.
Aflabrögá
í Grímsey 1943.
Vegna óhagstæðrar veðráttu meiri hluta
ársins, sérstaklega vor og haust, urðu afla-
brögð minni en í meðallagi, fiskleysi var
þó ekki um að kenna, en eins og á undan-
förnum árum var beituleysi vor og hausl
annað mesta meinið.
Siðastl. haust virtist mikill fiskur og
skammt frá. Ef síldarbeita (fryst síld)
hefði þá verið næg hér, hefði eflaust mátt
fá allmikinn fisk á línu, þótt óstöðug væri
tiðin, þar sem svo skamxnt var að sækja.
Einn þilfarsbátur, 4 lestir, og 13 opnir
vélbátar, fremur litlir, stunduðu veiðar yfir
sumarmánuðina maí—sept. og auk þess 2
arabátar. Frá maí—sept. eru aðallega not-
aðir árabátar og minnstu vélbátarnir, og þá
ætið beitt fugli. Aðalveiðarfærið er hand-
færi, nema yfir júlí og ágúst, en þá er veitt
á línu, því að þá fæst ný síld til beitu.
Þorskanet voru lögð í maí og gafst það
vel. í þau aflaðist aðallega hrognfiskur.
Ársaflinn varð 143V2 smálest blautfisks,
seldur i skip, og 130 smál. saltfiskur. (1942
127V2 bl. og 162smál. saltf.). 36 manns
stunduðu róðra. Enginn merktur eða fá-
séður fiskur fékkst s. 1. ár.
Hrognkelsa- og lúðuveiði var ekki telj-
andi og hákarls varð ekki vart.
Þótt árið 1942 þætti hér erfitt til lands
og sjávar, þá var þetta s. I. ár þó mun
verra.
Eina dekkbátinn, sem héðan gekk s. 1.
sumar, sleit upp í september í allgóðu veðri
og litlum sjó, rak til lands og brotnaði í
spón. Talið er líklegt, að lás eða hleltkur i
legufæri bátsins hafi bilað.
Kaupfél. Eyfirðinga selur eins og að und-
anförnu fisk og lýsi eyjaskeggja í umboðs-
sölu. Um verð á lýsi er ókunnugt, áætlað
lifrarverð 75 aura liter.
Sandvík, 31. des. 1943.
Steinólfur E. Geirdnl.