Tímarit lögfræðinga - 01.01.1960, Page 18

þessum eru þrjú aðalnýmæli: 1. 5. gr. skyldar þinglýs-
ingarbeiðendur til að afhenda skj öl í tveimur eintökum,
og skal a. m. k. annað eintakið vera ritað á haldgóðan
pappír, sem dómsmálaráðuneytið löggildir. Samkv. eldri
reglum gat þinglýsingarheiðandi afhent skjal i tveimur
eintökum, en þurfti þess ekki, nema þegar hann ósk-
aði að fá áritun á skjal um afhendingu fyrirfram til þing-
lýsingar. Greina skyldi i þinglýsingarhók frá aðalefni
skjals, en ekki var þörf að færa það orðrétt í slíka bók.
Þessi breyting horfði mjög til hagræðis og vinnusparn-
aðar fyrir þinglýsingardómara, og var í engu ótryggi-
legri en eldri hættir. 2. Samkv. 7. gr. er nægi-
legt, að lesið sé yfirlit yfir skjöl, sem borizt hafa til
þinglýsingar, á manntalsþingum eða bæjarþingum, og
losaði þetta ákvæði dómendur undan þvi vafstri að taka
með sér þinglýsingarskjöl á þingstaði. 3. Þá er sett al-
menn regla um það í 8. gr., að gildi skjals teljist frá
því, er skjal var afhent dómara til þinglýsingar. Breyt-
ingin er sú, að sama regla er látin gilda um Reykjavil:
sem aðra landshluta, og réttaráhrif þinglýsingar eru al-
mennt talin frá afhendingarstundu. Er það svipuð regla
og í tilsk. 24/4 1833, 4. gr., sbr. op.br. 28/4 1841, í þvi
tilviki, er beiðst var innritunar fyrifram á skjali til þing-
lýsingar. í lagaboðunum, sem til var vitnað, er þó gerð-
ur sá fyrirvari, að skjali sé lýst á næsta manntalsþingi
eftir afhendingu, en þenna fyrirvara getur ekki í 8. gr.
1. nr. 30/1928. 1 frv. var þessi fyrirvari upprunalega greind-
ur, sbr. Alþ.tíð. 1928, A, hls. 181 („Gildi þinglýsingar telst
frá þvi, er skjal er afhent dómara, ef því er lýst á næsta
þingi eftir fjyrirmælum 7. gr.“). Flutn.m. (M. G.) sagði
svo um tillögu nefndar, er laut að brottfellingu þessa
atriðis, að þessi breyting sé „svo lítilfjörleg, að ég ræði
ekki um hana“. Eins og 8. gr. nú er orðuð, er ekki sýni-
legt, að nein réttaráhrif séu tengd við lýsingu gerninga
á þingi, er horizt hafa dómara til þinglýsingar. Afhend-
ing gernings og færsla lians í þingbók skiptir öllu máli.
16
Tímarit lögfrœöinga