Tímarit lögfræðinga - 01.01.1960, Blaðsíða 62
m/ vatni, eitt mál eða kanna með vatni og tvö ullarteppi.
Rafljós er eitt í hverjum klefa, en rofi er í töflu frammi
á gangi.
Að utan er húsið ekki múrsléttað enn í dag og því ljótt
til að sjá. Engin girðing né garður er í kringum það, og
er það mjög mikill galli. Eru fangarnir því ekki óhultir
fyrir áleitni aðvífandi manna utan hússins."
Telur bæjarfógeti, að húsið hafi oft komið að miklu
gagni þrátt fyrir að því sé í ýmsu ábótavant.
Mestu annmarkar þessa fangahúss eru þeir, hve það er
illa staðsett, þétt upp að íbúðarhúsi, og að enginn garður
er umhverfis það, svo að utankomandi menn geta talao
við fangana gegnum klefagluggana, því að ekki er stöðug
varzla úti fyrir húsinu eða í því. Óhirðulegt er það að ut-
an að sjá, sem stafar af því, að það hefir aldrei verið múr-
húðað að utan svo mynd sé á.
7. Mýra- og Borgarfjaröarsýsla
Fyrir nokkrum árum var byggt í Borgarnesi fangahús
úr steinsteypu og eru í því 3 fangaklefar og herbergi
gæzlumanns, sem jafnframt má nota til yfirheyrzlna. 1
bréfi um fangelsamál héraðsins, dagsettu 27. maí s.l.,
segir sýslumaður:
,,Það er álit mitt, að húsið sé nógu stórt, miðað við þær
aðstæður, sem hér eru, en á því er sá megin galli, að engin
hitalögn er í því, og verður það því eigi notað þegar kalt
er í veðri. En úr því mætti sennilega bæta með því að
koma fyrir í því rafhitunarbúnaði, er blési heitu lofti inn
í klefana."
Húsið er vel staðsett í kauptúninu.
8. Snæfellsness- og Hnappadalssýsla
Þar er tveggja klefa fangahús í Stykkishólmi. Segir svo
um hús þetta í bréfi sýslumanns, dagsettu 4. júní s.l.:
„Fangelsi þetta var byggt úr steini á árunum 1957—58
og eins og uppdrátturinn (sem fylgdi bréfinu) sýnir, eru
60
Tímarit lögfræðinga