Tímarit lögfræðinga - 01.01.1960, Qupperneq 76

Vegna algers skorts vinnuskilyrða í hegningarhúsinu
hefir það, allt frá stofnun vinnuhælisins, eigi verið notað
til langdvala fanga. Til fullnustu allra fangelsisrefsinga
og lengri varðhaldsrefsinga hefir vinnuhælið verið notað,
en hegningarhúsið til skammvinnra sektaafplánana og
varðhaldsrefsinga.
Fangahúsin í Hafnarfirði, á Isafirði, Akureyri og í
Vestmannaeyjum hafa verið löggilt til úttektar allt að
tveggja mánaða refsivistar og hafa þau verið notuð til af-
plánana smásekta og stuttra varðhaldsdóma. Eru þó eigi
í þeim fangahúsum nein vinnuskilyrði og eigi er þar neinn
möguleiki til garðvistar nema á Isafirði, þar sem garður
er við fangelsið.
önnur fangahús landsins hafa einungis verið notuð til
geymslu handtekinna manna (mest ölvaðra) um stundar-
sakir.
Athugasemdir og hugleiöingar um fangelsa-
þörfina og fyrirkomulag aöálfangelsa landsins.
Þegar hugur er að því leiddur, hvexmig fangelsamálum
landsins skuli hagað í framtíðinni og hvaða breytinga sé
þörf frá núverandi ástandi, er nauðsynlegt að gera sér
grein fyrir — eftir þvi sem unnt er — hver fangelsaþörf-
in til refsiframkvæmdar er samkvæmt dómsmálaskýrslum
undanfarinna ára. Hefi ég í þessu sambandi tekið saman
dæmdar varðhalds- og fangelsisrefsingar á landinu á fimm
ára tímabilinu 1955—1959, en upplýsingar um þær er að
finna í dómsmálaskýi’slum í Reykjavík og tilkynningum úr
öðrum lögsagnarumdæmum til sakaskrár ríkisins. Er sú
skrá á þessa leið, í-efsing talin í dögum:
Varðhald
Ár Skilorðsbundið Óskiloi'ðsbundið
1955 725 927
1956 285 1667
1957 580 1347
Tímarit lögfrœöinga
74