Tímarit lögfræðinga - 01.01.1960, Blaðsíða 29
öll skjöl, er þá tilteknu eign varðar, svo sem tíðkað er í
Danmörku og Svíþjóð. Með ákvæði 10. gr. frv. er ráð-
herra veitt mikið svigrúm til ákvarðana um skjalavörzlu,
og er það heppilegt, þar sem nauðsvnlegt er .að prófa sig
áfram með skjalahvlki, sem hezt lienta aðstæðum hér á
landi.
í 11. gr. frv. er það nýmæli um skjal, sem stofnar til
fleiri réttinda en einna, að útgefanda er boðið að vekja
athygli dómara á því, til hvaða réttinda þinglýsingin eigi
að taka.
í 12. gr. er nýmæli um veðbandsleysingu og veðleyfi,
og er þar áskilið um þinglýsingu slíkra jdirlýsinga, að
sjálft veðbréfið sé aflient með áritun um veðbrejdinguna
ásamt endurriti af benni eða a. m. k. að bréfið sé sýnt,
svo að dómari geti gengið úr skugga um, að leyfis sé nægi-
lega getið þar. Mun framkvæmd þinglýsingar á þessum
gögnum vera mjög á reiki hér á landi.
C. Forgangsáhrif þinglýsingar og grandleysi.
1 III. kafla frv. eru ákvæði um forgangsáhrif þinglýs-
ingar og svo um grandleysi. Um forgangsáhrifin er haldið
þeirri reglu, sem nú er í lögum, að þau áhrif séu talin frá
því, er skjal er afhent dómara til þinglýsingar. I 15. gr. 1.
mgr. frv. er það skýrt nánar, hvenær skjal telst afhent til
þinglýsingar i þessu sambandi. Samkv. því er skjal ekki
afhent dómara i þessari tæknilegu merkingu, nema látnar
séu i té upplýsingar, sem dómari óskar eftir, og jafnframt
sé boðin fram lögmæt greiðsla á gjöldum fyrir meðferð
skjalsins. Frá þeirri meginreglu, að forgangsáhrif þing-
lýsingar teljist frá afhendingu, sbr. 16. gr. 1. mgr., eru fyrst
og fremst tvö frávik samkv. 15. gr. 2. og 3. mgr., og auk
þess eru sett sérstök ákvæði um það í 16. gr. 2. málsgr.,
er tvö eða fleiri skjöl, sem ekki geta samrýmzt innbyrðis,
eru afhent samtímis til þinglýsingar. Ákvæði þessi eru
að flestu leyti nýmæli. Akvæði 2. málsgr. 15. gr. á við það
tilvik, er sami aðili sendir eða afhendir í senn skjalabunka,
Tímarit lögfrœöinga
27