Tímarit lögfræðinga - 01.01.1960, Blaðsíða 66

en rishæð var óráðstafað um sinn. Síðan lét bæjarsjóður
Siglufjarðar í samráði við dómsmálaráðuneytið byggja
upp rishæð hússins, enda þurfti þak hússins viðgerðar við,
er ætlunin, að á þessari nýju (3.) hæð verði komið upp
byggðasafni bæjarins. 1 heild þurfti umrætt hús gagn-
gerðrar viðgerðar við áður en unnt var að taka það til
þeirra nota, sem því var ætlað, fyrir utan þær breytingar,
sem nauðsynlegt reyndist að gera á því, aðallega í sam-
bandi við fangageymsluna í kjallara þess. Gerður var nýr
inngangur og tröppur niður í kjallara, enda var litt mögu-
legt að koma föngum niður í kjallarann áður en inngang-
urinn og tröppurnar voru gerðar og með því að rífa veggi
og byggja síðan nýja í kjallara hússins, var þar komið
upp 10 fangaklefum og eru átta af þeim þegar nothæfir
sem geymslur fanga, en 2 eru ófullgerðir.
Hver klefi er 5—7 rúmmetrar. 1 þeim er steinsteyptur
rúmbálkur með bólstaðri dýnu á. Auk þess eru að sjáif-
sögðu nauðsynleg hlý teppi í hverjum klefa. Allir eru
klefarnir málaðir að innan. Hiti er sæmilegur í þeim, a.
m. k. að sumarlagi, og loftræsting er góð. Járnrimlar eru
engir fyrir gluggum, sem eru fremur litlir, enda kjallar-
inn mikið grafinn í jörðu, eins og áður segir. Er ætlunin
að steypa upp í glugga fangaklefanna að mestu leyti.
Fangageymslan hér er lítið sem ekkert notuð á öðrum
tíma árs en meðan síldarvertíð stendur yfir, en þann tíma,
þ. e. frá á að gizka 20. júní til 20. ágúst, eru fangaklefarn-'
ir notaðir flestar nætur til geymslu ölvaðra manna.
Að sjálfsögðu er fanga gætt allan sólarhringinn, enda
standa vaktir lögreglumanna dag og nótt yfir sumarmán-
uðina. Salerni til afnota fyrir fanga er á 1. hæð hússins.
Klefar eru hitaðir með rafmagni og hitinn leiddur um rör
og smárist inn í klefana. Birta er einkum frá rafljósi inn
um rist ofan við klefadyr. Hurðarlæsingar eru öruggar.
Aðstæður eru tæplega fyrir hendi til að halda gæzlu-
föngum í haldi í fangageymslunni hér, a. m. k. ekki um
lengri tíma. Við fangahúsið hefir enn enginn útivistar-
64
Tímarit lögfrœOinga