Tímarit lögfræðinga - 01.01.1965, Blaðsíða 45

um sýslunnar, að því er virðist eftir efnum þeirra og á-
stæðum.J) Þá má loks geta þess samkvæmt formálabók
Jóns lögmanns Jónssonar frá 1573 var minnt á að gera
l'æra vegu um þver héruð og endilöng, eftir því sem sýslu-
menn og sveitarmenn töldu þörf til vera.1 2)
A Alþingi 1595 var samþykktur dómur, sem skyldar
sýslumann til að nefna sex menn með sér til að rannsaka
fóðurbirgðir og skjdda þá, sem aflögufærir væru að láta
hey af hendi til þeirra sem þurl'andi voru.3) Gerð var
ályktun á Alþingi árið 1680, sem fjallar um melrakka-
veiðar og dýraloll. Ályktun þessi mælir svo fyrir, að sýslu-
menn skyldu alvarlega halda almúganum til þess, án for-
sómunar, dýragreni upp að leita og þeim, sem dýrunum
eyðir, sin hilleg ómakslaun refjalaust að belala.4)
Stundum virðast sýslumenn hafa haft afskipti af hjú-
skaparmálum. Árið 1594 var dómur skipaður af Oddi Ein-
arssyni superintendent Skálholtsstiftis og Árna bónda
Oddssyni kóngs umhoðsmanni í Snæfellsnessýslu, til að
skoða og rannsaka og fullnaðardóm á að leggja hversu
fara skyldi um hjúskaparmál, sem þá var á döfinni. 5 6) Á
Alþingi árið 1656 var hjónabandsmáli vísað heim í hérað
fvrir biskup, prófast og sýslumann.G)
Á árinu 1679 var sýslumanni í Skaftafellssýslu falið að
velja löglegan þingstað i öræfum.7) Á sama þingi var
sýslumanni í Þverárþingi að vestan heimilað að velja þing-
stað fyrir leiðarþing með ráði góðra manna í héraðinu.8)
Loks má geta þess, að sýslumenn munu árlega hafa liáð
1) A. í. VII, 252—253, og Lovsamling for Island, I, 338.
2) A. í. I, 212.
3) A. í. III, 43—44.
4) A. í. VII, 492.
5) A. í. III, 46—49.
6) A. í. VI, 389.
7) A. í. VII, 453.
8) A. í. VII, 476.
Timarit lugfræðinga
39