Tímarit lögfræðinga - 01.01.1965, Page 58

Aðrir dómar Hæstaréttar, sem snerta aðra þætti mann-
réttinda fylgdu hver af öðrum i kjölfar dómsins í Brown-
málinu. Rétturinn leit svo á i máli er snerti liótel eitt í
horginni Atlanta í Georgíufylki, að hótel, sem auglýsti
sig opinberlega sem greiðasölustað fyrir almenning gæti
ekki synjað svertingja um afgreiðslu vegna kynþáttar
hans. 4)
1 öðru máli, sem snerti stórverzlun í Atlanta, leit
Hæstiréttur svo á, að verzlun, er ræki kaffistofu sem þátl
í þjónustu sinni við almenning, gæti ekki vegna litarhátt-
ar hans neitað svertingja um beina ef hann beiddist þjón-
ustu á siðsamlégan hátt. 5)
1 málum sem komið höfðu fyrir Ilæstarétt allt fram
til ársins 1948, hafði rétturinn litið svo á, að ekki væri
hægt að framfylgja ákvæðum í afsölum og öðrum skjölum
varðandi eignarrétt á landi, er bönnuðu endursölu þess
til manns af afríkukyni og að bandarískir dómstólar
gætu ekki veitt atbeina sinn til þess að neyða nokkurn
mann til að hlita slikum ákvæðum. Slikir samningar væru
að vísu ekki ógildir í sjálfu sér, því að einkaaðilar hefðu
rétt til að gera hvers konar samninga sem þeim sýndist
um eignir sinar, en dómstólar gætu ekki veitt atbeina sinn
til þess að framfylgja slíkum samningum. °)
I nokkrum enn eldri málum hafði Hæstiréttur litið
svo á, að staðbundnar reglur og fylkislög um notkun
alls konar opinberra þjónustutækja á landareignum sam-
bandsríkisins væru allsendis óframkvæmanleg. Og jafn-
vel þegar svo stæði á, að sambandsstjórnin tæki þjónustu-
tæki á leigu hjá eigendum landareignar, væru staðarlög
um notkun þeirra af hálfu svertingja óframkvæmanleg.
4) McCollum gegn skólanefnd 33 u. S. 203; Atlanta Bilmore
gegn Jones, 341 U. S. 12; Shelley gegn Kraemer 334 U. S. 1.
5) Roth gegn Wild 354 U. S. 476; Barrows gegn Jackson
346 U. S. 249.
6) Buchanan gegn Worley 245 U. S. 60; Missouri gegn
Kanada 305 U. S. 377.
r»2
Tímarit lögfrivðinga