Tímarit lögfræðinga - 01.06.1969, Page 63

BÓKARFREGN
Dr. jur. Axel H. Pedersen:
Det Danske Advokatsamfund 1919—1969. Udgivet af Ad-
vokatrádet pá Jurist-forbundets forlag, 1969.
Lögmannastéttin hefur tekið miklum stakkaskiptum á
síðustu áratugum bæði hér og erlendis. Þar hefur akadem-
iska námið sjálft ekki skipt mestu — og þó allmiklu —
heldur „hreyttur heimur“. Um þær breytingar er deilt,
að vísu ekki um þörf og nauðsyn breytinga heldur farveg.
Eitt erum við þó hér í vestrænum heimi all flestir sammála
um, en það er, að frjáls lögmannastétt sé nauðsynleg enda
sé hún sér meðvituð um þá ábyrgð, sem slíku hlutverki
fyigir.
Okkur hér á landi er fengur að bókinni, sem hér er get-
ið. Við, sem eldri erum, munum vel, að þegar íslenzk lög-
mannastétt mótaðist fyrst (1911) var danska lögmanna-
stéttin mjög höfð í huga. Mun á engan hallað þótt þeirra
Eggerts Claessens og Sveins Björnssonar sé sérstaklega
getið í því sambandi. Ensk og bandarísk áhrif hafa af
skiljanlegum ástæðum gert nokkuð vart við sig, og get-
ur það víkkað sjónarsviðið. Engu að síður verður ekki um
það deilt, að bókin, sem hér er getið um, á erindi til ís-
lenzkra lögfræðinga — ekki sízt lögmanna. Liggja til þess
bæði söguleg rök og tímabær hugsun.
Höfundinn þekkja margir hér af hók hans: „Sagförer-
gerningen“ og ýmsum öðrum ritum hans, t.d. á sviði bygg-
inga, shr. t. d. bók hans: „Byggeriets retlige og ökonom-
iske organisation". Árið 1965 kom út 6. útgáfan af henni.
Ég er ekki á þeirri skoðun, að bókin „Det danske ad-
vokatsamfund“ sé nein ,biblía“, sem fylgja beri í einu
og öllu, enda er hún saga. En hún er fróðlegt og skemmti-
legt yfirlit, sem allir, er við dómsmál fást, munu hafa
bæði gagn og gaman af að kynna sér. Th. B. L.
Tímarit [Cnfræðinqa
147