Tímarit lögfræðinga - 01.10.2001, Side 26

vægisaðgerðir og fyrirbyggjandi aðgerðir eru mögulegar og áætlað sé eða skylt
samkvæmt lögum að grípa til þeirra þarf þó ekki að hafa það í för með sér að
þessar framkvæmdir hafi ekki áfram í för með sér umtalsverð umhverfisáhrif í
einhverjum tilvikum. Verður nánar vikið að þessu í 8. kafla.
4.4 Málsmeðferð við mat á umhverfísáhrifum
Skipta má málsmeðferð mats á umhverfisáhrifum samkvæmt lögum nr.
106/2000 í fimm þætti og verður hér í stórum dráttum gerð grein fyrir helstu
atriðum þeirra:
1. Formleg málsmeðferð hefst á því að framkvæmdaraðili leggur fram tillögu
að matsáætlun til umfjöllunar Skipulagsstofnunar í samræmi við 1. mgr. 8.
gr. laganna og 13. gr. reglugerðar nr. 671/2000. Jafnframt kynnir hann tillög-
una umsagnaraðilum og almenningi. I tillögu að matsáætlun skulu m.a.
koma fram upplýsingar um fyrirhugaða framkvæmd, líkleg umhverfisáhrif
hennar og afstaða þeirra sem liafa tjáð sig um áætlunina o.fl.
(a) Fallist Skipulagsstofnun á tillögu að matsáætlun er tekin ákvörðun um
það samkvæmt 2. og 3. mgr. 8. gr. laganna og þá getur málið haldið áfram
og skal tillagan kynnt leyfisveitendum og öðrum umsagnaraðilum.
(b) Fallist stofnunin ekki á tillögu að matsáætlun er tekin sérstök ákvörðun
þar að lútandi sem skjóta má til úrskurðar umhverfisráðherra samkvæmt 1.
mgr. 12. gr. laganna.
2. I samræmi við tillögu að matsáætlun gerir framkvæmdaraðili matsskýrslu
sem sætir athugun Skipulagsstofnunar samkvæmt 1. mgr. 10. gr. laganna.
Stofnunin athugar einkum hvort skýrslan uppfyllir kröfur þær sem gerðar
eru í 9. gr. laganna og 18. gr. reglugerðarinnar. Hin fyrirhugaða framkvæmd
og matsskýrsla er auglýst og kynnt opinberlega og er öllum heimilt að gera
athugasemdir. Jafnframt leitar Skipulagsstofnun umsagna væntanlegra leyf-
isveitenda og annarra umsagnaraðila á efni hennar, sjá nánar 2.-5. mgr. 10.
gr. laganna og 20.-23. gr. reglugerðar um mat á umhverfisáhrifum.
3. Málinu lýkur á lægra stjórnsýslustigi með úrskurði Skipulagsstofnunar
um mat á umhverfisáhrifum á grundvelli fyrirliggjandi gagna, sbr. 1. og 2.
mgr. 11. gr. laganna. I úrskurði stofnunarinnar samkvæmt 2. mgr. 11. gr. skal
taka ákvörðun um hvort:
(a) fallist er á viðkomandi framkvæmd, með eða án skilyrða, eða
(b) lagst er gegn viðkomandi framkvæmd vegna umtalsverðra umhverfis-
áhrifa.
4. Heimilt er að skjóta úrskurði Skipulagsstofnunar til æðra stjórnvalds, þ.e.
til umhverfisráðherra, og er öllum heimilt að kæra. Að lokinni endurskoðun
gengur úrskurður umhverfisráðherra í samræmi við 3. mgr. 12. gr. og
ákvæði stjómsýslulaga. I úrskurðinum staðfestir ráðherra úrskurð Skipu-
lagsstofnunar með eða án breytinga eða fellir hann úr gildi að hluta eða öllu
leyti.
174