Tímarit lögfræðinga - 01.10.2001, Side 92

aðir ákvæðissamningar, þar með taldir framtíðarlegir og framvirkir samningar
svo sem framtíðarlegir og framvirkir vaxtasamningar. Enn fremur vaxta- og
gjaldmiðlaskiptasamningar svo að nokkuð sé nefnt.
Um ákvörðun hagnaðar og taps af valréttarsamningum er fjallað í 43. gr. A-
1 til 43. gr. A-3. Hefur 43. gr. A-1 að geyma meginreglumar um það hvenær
umræddar tekjur teljist til tekna og hvernig þær skuli ákveðnar. Skattleggja ber
valréttarsamninga sér, óháð hinu undirliggjandi verðmæti. Gildir það í öllum
tilvikum hvort sem afhending fer fram eða ekki og hið undirliggjandi verðmæti
er hlutabréf eða önnur eign samkvæmt ofansögðu. Er það sama grundvallar-
regla og í Danmörku. Gagnstætt Dönum nota Norðmenn hins vegar innlausn-
arreglu við tímafærslu afleiðutekna af valréttarsamningum. Hagnað eða tap ber
því ekki að tímafæra fyrr en afleiðusamningur rennur út við afhendingu hins
undirliggjandi verðmætis eða mismunargreiðslu er skattaðila hlotnast hagnaður
eða tap.
Hagnaður og tap á valréttarsamningum telst mismunur á söluverði (utgangs-
verdi) og kaupverði (inngangsverdi) og er fjallað um ákvörðun þessa verðs í 43.
gr. A-2 hjá eiganda valréttarsamnings en í 43. gr. A-3 hjá útgefanda valréttar-
samnings. Er það nákvæmlega tilgreint í upplýsingaskyni og er það réttlætt með
því að um ný og framandi verðmæti sé að ræða. Skal nú vikið að hinum ein-
stöku verðþáttum:
Eigandi. Söluverð valréttarsamnings telst jafnt og eftirfarandi: 1. Valréttur
seldur á tekjuárinu: afhendingarverð. 2. Kaupval innleyst á tekjuárinu: mis-
munur á gangverði og valréttarverði hins undirliggjandi verðmætis. 3. Söluval
innleyst á árinu: mismunur á valréttarverði og markaðsverði hins undirliggjandi
verðmætis. 4. Valréttur fellur niður ónýttur: 0 kr. Kaupverð valréttarsamnings
telst jafnt og þóknunin.
Útgefandi. Söluverð valréttarsamnings telst jafnt og þóknunin. Kaupverð
valréttarsamnings telst jafnt og eftirfarandi: 1. Kaupval innleyst á tekjuárinu:
mismunur á gangverði og valréttarverði hins undirliggjandi verðmætis. 2. Sölu-
val innleyst á árinu: mismunur á valréttarverði og markaðsverði hins undir-
liggjandi verðmætis. 3. Valréttur fellur niður ónýttur: 0 kr.
Hagnaður af valréttarsamningum telst til tekna og tap má draga frá öðrum
tekjum. Sætir frádráttarbæmi þess því ekki takmörkunum eins og í Danmörku.
Jafnframt má samkvæmt 43. gr. A-4 draga kostnað við kaup og sölu (trans-
aksjonskostnader) valréttarsamninga frá tekjum þegar hagnaður eða tap er
tekjufært. Um ákvörðun hagnaðar eða taps hins undirliggjandi verðmætis, ljúki
valréttarsamningi með afhendingu, eru loks ákvæði í 43. gr. A-5 og er hún stað-
festing á þeirri almennu reglu að miða beri við markaðsverð þess á innlausn-
ardegi þegar svo stendur á.
240