Búnaðarrit - 01.12.1919, Side 6

228
BÚNAÐARRIT
Byggingar fyrir lmsnœðislausa. í Kaupmannahöfn
skoðuðum við fjelagar helstu hverfin, sem bæjarstjórnin
hafði bygt handa húsnæðislausu fólki. Má mikið vera ef
byggingar þessar hafa ekki, allar saman, slagað hátt
upp í alla Reykjavík. Mátti þar sjá ýmsar tilraunir til
þess að koma upp ódýrum húsum í dýrtíðinni. Sum
hverfin voru úr timbri, og ekki allskostar ólík þessum
dæmalausu „pólum“ hjer í Rvík, en þeir eru ljótir bik-
svartir timburskálar, sem reistir hafa verið fyrir hús-
næðislausa í Rvík. Þó var bæði litur, lag o. fl. sýnu
betra. Á öðrum stöðum voru húsagrindur reistar úr afar-
rýrum viðum, utau á þær voru negldir trjerimlar bik-
aðir og festir á bikaðan pappír. Yar svo slett kalk- og
sements-blöndu utan á rimlana, svo húsið líktist stein-
húsi að utan. Milli grindarviða var fylt með „klerlin-
sten“, grant vírnet strengt innan þeirra og veggirnir
sljettaðir svo að innan með kalkblöndu. Sumir skilrúms-
veggir (úr gjallplötum) voru svo þunnir og veigalitlir, að
jeg skil ekki að þeir hefðu þolað að sparkað hefði verið
í þá. Jeg get trúað að hús þessi hafi orðið all-hlý, en
varla hefi jeg sjeð meira hrófatildur en sumt af þessu.
Þá hafa og Hafnarbúar reynt að fylla milli grindarviða
með deigulmó og verja hann vatni að utan með brend-
um leirhellum, en verkið við þessa veggjagerð reyndist
of-dýrt.
í Stokkhólmi og Kristjaníu gerðu menn útveggi á
venjulegan hátt úr múrsteini og viðast með holrúmi.
Annars var margt sparað og rýrara lagt í en venja er
til. Gólfbitar í Áppelviken í Stokkhólmi voru t. d. 2
X8" og 1 stika milli þeirra, loftbitar l1/*X6", sperrur
2X6" og víða all-langt millibilið. Sperrurnar voru ein-
faldlega negldar á bitana, líkt og tíðkast í Ameríku. En
þrátt fyrir allan sparnaðinn kostaði hús með 2 góðum
herbergjum niðri og eldhúsi, en 3 á lofti, 25,000 kr.
Ekki er von að vel fari fyrir oss, þegar þannig gengur
í timbur- og iðnaðarlandinu Svíþjóð! — Vandaðastar