Búnaðarrit - 01.10.1917, Qupperneq 22

260
BÚNAÐARRIT
sauðfjárkvillar eru hér til, er víst óhætt að ganga út
frá því, að þessi ormaveiki sé hór ekki.
í síðasta hefti Búnaðarritsins árið sem leið og i þriðja
hefti sama rits þ. á. birtist álit dýralæknanna hér allra um
hættu af sjúkdómum, er stafað gæti af innflutningi búfjár.
Með upplýsingum, sem þeir gefa, hvetja þeir allir til
hinnar mestu varúðar í þessum efnum.
Það blandast víst fáum hugur um það, að ef leyfður
yrði innflutningur á fé, yrði um leið að setja ítarlegar
varúðarreglur. Mundum við fara að dæmum annara þjóða
í þeim efnum.
Þegar eg í sumar sem leið var staddur í Danmörku,
fékk eg fyrir milligöngu landbúnaðarráðuneytisins þar
að gera fyrirspurn með bréfi til dýralæknaráðsins í Kaup-
mannahöfn um sýkingarhættu, er stafað gæti af því að
flytja Leicester-féð frá Skotlandi hingað. Hefi eg leyfi dýra-
læknaráðsins að birta þetta bréf og geri það hér með.
Dýralæknaráðið.
Kaupmann ahöfn,
12. sept. 1916.
Hr. Jón Þorbergsson fjárræktarmaður,
Keykjavik.
Út af þeirri hugmynd, að flytja Leicester-fé frá Skotlandi til
íslands, hafið þér með bréfi dagsettu 31. f. m. lagt fyrir dýra-
læknaráðið eftirfarandi spurningar og óskað þeim svarað:
1. Er hættulegt vegna sjúkdóma að flytja Leicester-fé frá Skot-
landi til íslands?
2. Ef hætta er á ferðum, hvaða sjúkdóma er þá að óttast?
3. Á hvern hátt yrði komið í veg fyrir það, að sjúkdómar bær-
ust með þessu fé til íslands?
Svarið verður á þessa leið:
Þar eð menn vita ekki til, að lifrarikta sé til á íslandi, en
iktusýkin aftur á móti mjög algeng í Bretlandi,1) verður að
gæta allrar varúðar við innflutning á fé þaðan.
1) Hjá landbúnaðarráðuneytinu brezka hefi eg fengið þær upp-
lýsingar, að á að gizka 2—3 kindur af þúsundi hverju fullorðins
fjár mundi árlega drepast úr þessari veiki í Skotlandi. J. H. Þ.