Dvöl - 01.04.1941, Page 10

II.
Tvísöngur:
í hart slær með herrum og þrælum,
í hjúskapnum spillist siður,
og strætið er styrjarhjarl.
Með soltnum og nægtasælum
er sorpræsið tengiliður,
og eitt fyrir konu og karl.
Er fógetans dómsorð falla,
skal fangann til dreyra hýða
og varðmönnum vistir fá.
Hið eina jafnt fyrir alla
er afræsið mikla og víða,
úrkastsins almannagjá.
III.
Fersöngur:
Margar leiðir liggja til Róm,
liggja í sult og ríkidóm.
Sumur í Líbýu sandbyls kvein
súga yfir slóða um þrælabein.
Maríuvandanna bláu blóm
brydda frá Ölpum stíg til Róm.
Samt er brottleiðin söm og ein:
sorpgöngin miklu, stutt og bein.