Valsblaðið - 01.05.2004, Side 29

Starfið er margt
Gerður Guðnadóttir, Sæunn Sif og
Katrín Gylfadóttir fagna einu af mörgum
mörkum sumarsins í 5.flokki. (FKG)
Á uppskeruhátíð yngri flokkanna 2004
var ný viðurkenning veitt í fyrsta sinn.
Um nokkurra ára skeið hafa verið veitt
sérstök verðlaun til iðkanda í 3. fl.ka,
svonefndur Bemburg-skjöldur.
Ákveðið var af unglingaráði, með til-
styrk stjómar knattspyrnudeildar að hvfla
þá viðurkenningu um sinn og veita
„nýja“ viðkenningu til iðkenda í 3. fl. ka.
og kvenna. Leitaði ráðið í þessum efnum
til KB banka við Hlemm sem tók mjög
fúslega þeirri málaleitan unglingaráðs að
kosta veðlaunagripi fyrir þessa viður-
kenningu.
í samtölum formanns unglingaráðs og
Þorsteins Ólafs útibússtjóra bankans
kviknaði sú hugmynd að kenna þessa
viðurkenningu við séra Friðrik Friðriks-
son og kalla viðurkenninguna „Friðriks-
bikarinn“ enda við hæfi þar sem nafn
hans tengist svo mjög sögu knattspym-
unnar í Val.
Viðurkenninguna, sem er veglegur far-
andbikar og annar til eignar, skal veita
árlega til iðkenda í 3. fl. ka. og kv. sem
þykja skara framúr í félagsþroska innan
vallar sem utan. I ár hlutu viðurkenning-
una þau Árni Heiðar Geirsson og Berg-
dís Bjamadóttir. Eru KB banka færðar
sérstakar þakkir við aðstoðina. Nánar er
fjallað um Friðriksbikarinn annars staðar
í blaðinu.
Elvar Már Svansson hafði á starfsárinu
umsjón með skipulagi dómararstarfa. Að
dómaramálum þetta árið komu einnig
Þórður Jensson íþróttafulltrúi og Sigurð-
ur Haraldsson. Einhver fjölgun varð á
starfskröftum í þetta óeigingjama starf en
enn má betur gera í þeim málum. Ljóst er
að of fáir dómarar fást enn til starfa fyrir
félagið og er brýnt að fjölga þessum
störfum. Mun verða unnið að því áfram.
Valur tók þátt í öllum hefðbundnum
mótum á vegum KSÍ og KRR auk ann-
arra móta sem haldin voru af félögum
vítt og breitt um iandið. 3. fl. kv. var
hársbreidd frá því að leika til úrslita á Is-
landsmótinu, en stúlkurnar töpuðu
naumlega í undanúrslitaleik við KA. Þær
bættu fyrir tapið með því að vinna gull-
verðlaun á haustmóti KKR nokkrum
dögum síðar. 3. fl. ka. vann sig upp í A-
deild Islandsmótsins. Árangur í 4. fl. ka
og kv. olli vonbrigðum þetta árið, enda
var árangur flokkanna langt undir öllum
væntingum. Urðu flokkamir neðstir í
sínum riðlum á íslandsmótinu. Við svo
búið verður ekki látið standa og ljóst er
að framundan er mikið og krefjandi upp-
byggingarstarf nýrra þjálfara flokkanna.
Öðrum flokkum félagsins gekk mjög vel
á þeim mótum sem flokkarnir tóku þátt í,
þ.e. 5.-7. fl.
Valur tók í annað sinn þátt í Rey Cup
með þeim árangri að 3. fl. varð Rey Cup-
meistari.
I heild má segja að starfið í flokkunum
hafi gengið vel þótt ætíð megi bæta ár-
angurinn inni á vellinum.
2. flokkur karla
Árangurinn var frábær hjá strákunum
og urðu þeir í 2. sæti á Reykjavíkurmót-
inu en gerðu gott betur á íslandsmódnu
og sigruðu í B riðli og unnu sér þar með
sæti meðal hinna bestu. Þjálfara liðsins
Jóhanni Gunnarssyni eru þökkuð góð
störf fyrir félagið en hann hefur látið af
störfum og við hefur tekið Ólafur Brynj-
ólfsson.
3. flokkur karla
Frábær árangur hjá lærisveinum Guð-
mundar Brynjólfssonar og Sævars
Hjálmarssonar náðist á liðnu sumri og
ljóst er að framtíðin er björt hjá þessum
strákum. Strákamir sigruðu með yfir-
burðum sinn riðill á Islandsmótinu og
munu spila í A deild að ári bæði A og B
lið. Jafnframt gerði knattspyrnudeild Vals
samning við fyrirliða flokksins Anton
Rúnarsson og er hann þar með yngsti
leikmaður Vals sem gert hefur samning
við félagið.
4. flokkur karla
Betur má ef duga skal og ekki skal
gefast upp. Ljóst er að drengirnir áttu
undir högg að sækja og féllu bæði A og
B lið niður í B riðil á fslandsmótinu.
Efniviðurinn er til staðar og með sam-
stilltu átaki þjálfara, unglingaráðs og for-
eldra eru drengjunum allir vegir færir í
framtfðinni. Ljóst er að hlúa þarf að
þessum flokki og búa þeim það vel í
haginn að árangur náist.
5. flokkur karla
Þarna er góður hópur á ferðinni af
framtíðar liðsmönnum hjá Val og ljóst að
Gylfi þjálfari er að vinna gott verk. Ár-
angurinn á íslandsmótinu var ekki mjög
góður en ljóst er að tækifærin til að bæta
sig eru til staðar og er það jákvætt.
Áfram strákar.
6. flokkur karla
Fyrirmyndarstrákar innan jafnt sem
utan vallai'. Stóðu fyrir sínu í sumar og
voru sér og félaginu til sóma hvar sem þeir
vom að leik og störfum. Sérstaklega var
gaman að fylgjast með strákunum (og for-
eldrunum) á Shell mótinu í Eyjum og var
haft að orði hjá foreldrum stráka annarra
liða hve gaman væri í Val. Foreldraráð
flokksins var öflugt og margir sem lögðu
hönd á plóg og gerðu þar með verkefni
sumarsins skemmtileg og lærdómsrík.
Valsblaðið 2004
29