Uppeldi og menntun - 01.01.2008, Síða 11

11
ELSA SIGRÍÐUR JÓNSDÓTTIR
Kennaramenntun
á tímamótum
– frá jaðri að miðju
Viðtal við Ólaf Jóhann Proppé,
rektor Kennaraháskóla Íslands
Við erum stödd á Austurvelli veturinn 1963–64. Ungt fólk flykkist inn í Sjálfstæðishús-
ið gamla. Þar er að hefjast kappræðufundur milli Kennaraskólans og Menntaskólans í
Reykjavík. Fundarefnið er hvor skólinn veiti betri menntun eða „sé betri“ eins og unga
fólkið orðar það. Talsmaður Kennaraskólans er formaður skólafélagsins, dökkhærður, ung-
ur maður, hár og grannur. Stúlkurnar gefa honum auga í laumi. Þetta er Ólafur Proppé
sem er þarna í fyrsta sinn á opinberum vettvangi að halda fram málstað Kennaraskól-
ans og mæla fyrir menntun kennara. Síðan hafa miklar breytingar orðið á kennaramennt-
un og um þessar mundir er Kennaraháskóli Íslands að sameinast Háskóla Íslands og Ólafur
Proppé að láta af störfum sem rektor. Í viðtalinu sem hér fer á eftir verður forvitnast um
skoðanir Ólafs á þeim breytingum sem orðið hafa á menntun í landinu, og ekki síst á kenn-
aramenntun, á þeim 100 árum sem liðin eru síðan Kennaraskólinn var stofnaður 1908.
Uppeldi og menntun
17. árgangur 1. hefti, 2008