Fréttablaðið - 16.01.2010, Page 59

Leikrit fyrir börn og fullorðna Framboð af leikritum
fyrir börn hefur verið gott í vetur. Nú er verið að sýna þó nokkur
leikrit sem henta börnum á ýmsum aldri, sum eru góð fyrir þau
yngstu á meðan sum eru ætluð fullorðnum en henta vel allri
fjölskyldunni. Hér er yfirlit yfir leikritin sem eru í gangi.
Sindri silfurfiskur Í
Kúlunni í Þjóðleikhúsinu er verið
að sýna leikritið um Sindra
silfurfisk og hina félaga hans í
undirdjúpunum. Þetta er stutt
og falleg sýning sem hentar
yngstu áhorfendunum svo
sannarlega. Sýningin er stutt og
án hlés.
Söngvaseiður Sýningin um Maríu og Von Trapp-fjölskyld-
una er frábær fyrir börn enda leika börn stórt hlutverk í sýning-
unni. Óhætt er að fara með allt frá fimm ára börnum á þessa
sýningu, en hún er rúmur tveir og hálfur tími þannig að hún
reynir aðeins á. Söngvaseiður er sýndur i Borgarleikhúsinu.
Ólíver Ólíver! er einn vinsælasti söngleikur allra tíma,
byggður á sígildri skáldsögu Charles Dickens um munaðarlausa
drenginn Ólíver Tvist sem dirfðist að biðja um meira að borða!
Sýnd í Þjóðleikhúsinu og verður örugglega vinsæl hjá
fjölskyldum.
Bláa gullið Trúðarnir halda í
rannsóknarleiðangur um
undraheima vatnsins sem
endalaust er hægt að skoða,
undrast og skemmta sér yfir.
Ragnhildur Gísladóttir tónlistar-
maður og Gjörningaklúbburinn
skapa sýningunni töfrandi
umgjörð með nýstárlegri hljóð-
og sviðsmynd. Sýningin er
fræðandi og forvitnileg fyrir pælandi unglinga, en fyrst og
fremst bráðskemmtileg trúðasýning fyrir alla fjölskylduna.
Harry & Heimir Sýning Spaugstofu-
snillinganna hefur verið kölluð prýðileg
fjölskylduskemmtun. Hún er sýnd í
Borgarleikhúsinu og hefur notið mikilla
vinsælda.
Væntanlegar Auk Skoppu og Skrítlu
eru væntanlegar á fjalirnar nokkrar
sýningar sem munu eflaust slá í gegn hjá
börnum. Í lok mánaðarins verður sýningin
Algjör Sveppi - Dagur í lífi stráks frumsýnd
en hún skartar Sveppa í aðalhlutverki og með honum á sviðinu
er Orri Huginn Ágústsson sem er áhorfendum góðkunnugur úr
Pressunni í sjónvarpinu. Sýningin byggir á barnaplötu Gísla
Rúnars Algjör sveppur frá árinu 1978 sem er löngu orðin sígild.
Í mars verður svo frumsýnd sýningin Gauragangur um
unglinginn Orm Óðinsson og vini hans en hún var sýnd við
miklar vinsældir í upphafi tíunda áratugarins.
LEIKHÚS
RÉTTI ALDURINN Mjög misjafnt er hvenær börn eru tilbúin til
að fara í leikhús. Tilvalið er að fara í fyrsta skipti á stutta smábarna-
sýningu. þá venjast börnin leikhúsheiminum og eiga síður í
erfiðleikum með leiksýningu í fullri lengd.