Barnablaðið - 01.12.1989, Side 5

BARNABLAÐIÐ 5
feimninni yfirsterkari svo hún fór út
og gekk til stelpnanna. Önnur
stelpan var ókurteis og sagði:
Hvað ert þú að koma til okkar? Við
viljum ekkert vera með þér. Farðu
og leiktu við einhverja aðra
krakka!
Lóa var næstum því farin að
gráta. Hin stelpan sagði: Jesús vill
ekki að við séum svona leiðinlegar
við aðra. Ég ætla að vera góð við
nýju stelpuna. Síðan sneri hún sér
að Lóu og sagði við hana: Komdu
bara. Mig langar að leika við þig.
Þá sá leiðinlega stelpan eftir því
að hafa verið svona leiðinleg við
Lóu og bað hana að fyrirgefa sér.
Upp frá því voru þær alltaf vinkon-
ur.
Sögunni er lokið. Krakkarnir í
kirkjuskólanum sitja grafkyrr.
— Þið vitið að Jesú vill að við
séum vinir allra, hélt konan áfram.
Ef það er einhver í húsinu hjá þér
eða í skólanum þínum sem allir
eru að hrekkja, þá sendir Jesús
ykkur til þess að vera góð við
hann.
Minnisversið
Nú gengur maður upp á sviðið.
Hann lítur glaðlega á krakkana og
spyr hvort þau séu búin að læra
minnisversið.
í þessum kirkjuskóla læra
krakkarnir eitt minnisvers á mán-
uði. Öll börnin segja minnisversið
hátt og snjallt í einum kór: „Gætið
þess vandlega, líf yðar liggur við,
að elska Drottin Guð yðar.“
Á hverjum sunnudegi er verð-
launaafhending. Stilltustu börnin
fá verðlaun. Einn strákur og ein
stelpa.
Þegar kirkjuskólanum er lokið,
hittum við nokkra krakka og spjöll-
um við þau. Krakkarnir heita Rak-
el, Tómas, Bernharð, Stefanía,
Sara og Silvía.
Hvað eruð þiö búin aö vera lengi í
kirkjuskóianum?
— Við höfum öll verið í kirkju-
skólanum síðan við vorum pínulít-
il, sagði Bernharð.
Brúðuleikhús um týnda kisu.
Hvað finnst ykkur skemmtilegast
aö gera íklrkjuskólanum?
— Syngja! Svara krakkarnir öll
í kór. Líka þegar Malli kemur,
sagði Tómas. Malli er dúkka sem
er látinn koma í heimsókn. Hann
getur hreyft munninn, bætir Stef-
anía við.
— Svo æfum við leikrit á laug-
ardögum sem við sýnum svo í
sunnudagaskólanum, segir Rak-
el.
Hvaö læriö þiö helst?
— ViðlærumýmisversúrBiblí-
unni og að vera góð við aðra, svar-
aði Sara. Svo lærum við ýmislegt
um Guð. Við höfum lært að hann
er kærleiksríkur og góður, sagði
Silvía.
Nú þurfa krakkarnir að fara, en
þau ætla öll að koma aftur næsta
sunnudag.
Viðtal: Elín Jóhannsdóttir
Myndir: Guðni Einarsson
Kátir krakkar í kirkjuskólanum.