Barnablaðið - 01.12.1989, Blaðsíða 24

24 BARNABLAÐIÐ
Vitringarnir
Jesús fæddist í bænum Betl-
ehem í Júdeu á valdatímum
Heródesar konungs. Um það leyti
komu vitringar til Jerúsalem frá
Austurlöndum og spurðu Heród-
es:
„Hvar er hinn nýfæddi Gyðinga-
konungur? Við höfum séð stjörnu
hans austur í löndum og nú erum
við komnir til þess að hylla hann.“
Heródes konungur varð skelf-
ingu lostinn er hann heyrði þetta,
og alls kyns sögusagnir komust á
kreik í Jerúsalem.
Heródes kallaði því saman
trúarleiðtoga Gyðinganna og
spurði:
„Hafa spámennirnir sagt hvar
Kristur eigi að fæðast?“
„Já, í Betlehem, því að þannig
skrifaði Míka spámaður:
„Þú Betlehem litla, þú ert ekki
þýðingarlaus smábær í Júdeu, því
frá þér mun koma höfðingi sem
annast mun þjóð mína, ísrael,““
svöruðu leiðtogarnir.
Heródes sendi þá vitringunum
leynileg boð um að finna sig, og á
þeim fundi fékk hann að vita hve-
nær þeir hefðu fyrst séð stjörnuna.
Síðan sagði hann:
„Farið til Betlehem og leitið að
barninu, og þegar þið hafið fundið
það, skuluð þið koma aftur og láta
mig vita hvar það er, svo ég geti
einnig veitt því lotningu!"
Að þessum viðræðum loknum
héldu stjörnuspekingarnir aftur af
stað. Og sjá! Stjarnan birtist þeim
á ný og fór fyrir þeim og stað-
næmdist loks yfir Betlehem. Gleði
þeirra var takmarkalaus!
Þeir gengu inn í húsið þar sem
María og barnið voru, krupu á kné
frammi fyrir því og tilbáðu það.
Síðan tóku þeir upp farangur sinn
og gáfu barninu gull, reykelsi og
myrru. Á heimleiðinni komu þeir
ekki við í Jerúsalem til þess að
hitta Heródes, því að Guð hafði
sagt þeim í draumi að fara aðra
leið heim til sín.
Lestu textann hér fyrir ofan og finndu svörin og sendu okkur þau.
Utanáskriftin er:
Barnablaðið. Jólaspurningaleikur
Pósthólf 5135
125 Reykjavík.
1) HvaðaerindiáttuvitringarnirviðHeródes? 2) Afhverju varð Heródes
skelfingu lostinn þegar hann heyrði um fæðingu Jesús? 3) Hvernig
vissu leiðtogar Gyðinga hvar Kristur ætti að fæðast? 4) Hvernig fundu
vitringarnir Jesúbarnið? 5) Af hverju vildi Heródes vita hvar barnið
væri? 6) Hvað gáfu vitringarnir barninu? 7) Af hverju fóru vitringarnir
ekki til Heródesar á heimleiðinni?