Barnablaðið - 01.12.1989, Blaðsíða 38

38 BARNABLAÐIÐ
með tímanum. Hann er í rauninni
hinn dæmigeröi ísienski nöldrari.
Hann er nöldrandi út af öllu. Svo
þarf kannski ekki annað en pínulít-
ið smáatriði til að snúa þeirri skoð-
un algjörlega við.
Nú kom förðunardaman inn.
Hún ætlaði að setja stóra ístru á
Örn. hann átti að leika mjög feitan
mann í næsta atriði.
/ upptökusalnum
Við komum okkur vel fyrir í sæt-
um í sjónvarpssalnum. Þar voru
nokkrar myndavélar og textavélin
sem Örn talaði um.
Fyrst voru fréttamennirnir teknir
upp og síðan matreiðsluþátturinn
„Matargatið". Það voru ýmsir að
fylgjast með upptökunum og urðu
að gæta þess að skella ekki upp úr
meðan á upptöku stóð, en það var
oft erfitt. Upptökurnar gengu mjög
vel, samt varð ekki hjá því komist
að taka sum atriðin upp aftur og
aftur. Loks kom röðin að Kristjáni
Ólafssyni. Hann var að kynna sér-
Ebba Andersen.
staka hlíf sem er einstaklega hent-
ug þegar menn eru að borða pítu.
Pítuhlífin átti að koma í veg fyrir að
neytandinn sóðaðist út. Þegar
Kristján var búinn að setja á sig
pítuhlífina og taka vænan bita af
pítunni bjuggust allir við að hann
væri hreinn og penn en ekki kám-
ugur af pítusósu. Upptökufólkið í
sjónvarpssal ætlaði hins vegar að
springa úr hlátri þegar annað kom
í Ijós. Pítuhlífin hafði greinilega
ekki skilað hlutverki sínu og Kri-
stján Ólafsson var kámugri en
nokkru sinni fyrr. Því varð að taka
atriðið aftur.
Um hádegi var upptökunum
lokið. Vinnudagur spaugstofu-
manna var þó ekki á enda, því nú
átti eftir að klippa atriðin til og
skeyta saman auk þess sem þeir
áttu eftir að setja inn ýmiss konar
leikhljóð til að undirstrika og ýkja
atriðin.
Við þökkuðum þeim fyrir ómak-
ið og Erni fyrir viðtalið.
Bærinn var vaknaður þegar við
gengum út úr sjónvarpshúsinu.
Sólin skein og það var ekki hjá því
komist að vera í góðu skapi eftir að
hafa fylgst með þessum spaug-
sömu mönnum eina morgun-
stund.
Texti: Elín Jóhannsdóttir.
Myndir: Jóhannes Long.
y "

Villtir menn!