Barnablaðið - 01.12.1989, Blaðsíða 43

BARNABLAÐIÐ 43
HVER ER UPPÁHALDS BÓKIN
ÞÍN OG UM HVAÐ ER HÚN?
Magndís Anna Kolbeinsdóttir
Uppáhaldsbókin mín er Fugl í
búri. Hún er um strák og stelpu.
Stelpan er rík en hún er einmana.
Strákurinn er aftur á móti fátækur
en hann á marga vini. Síðan kynn-
ast þau og verða bestu vinir. Þessi
bók er mjög skemmtileg.
Erla Björg Káradóttir
Uppáhaldsbókin mín er Beverly
Gray. Það eru reyndar til margar
bækur um hana og ég er búin að
lesa fjórar. Beverly er í heimavist-
arskóla og lendir í herbergi með
mjög leiðinlegri stelpu. Beverly
bjargaði lífi hennar og eftir það
urðu þærgóðarvinkonur. Beverly
lendir í mörgum ævintýrum. Þetta
eru mjög spennandi bækur.
Lárus Helgi Lárusson
Uppáhaldsbókin mín er Óli og
óskasteinninn. Hún er um strák
sem fer til frænda síns um nótt og
hrasar um stein. Honum þykir
steinninn fallegur og ákveður að
eiga hann en svo vildi til að steinn-
inn var óskasteinn.
Hafsteinn Þór Hauksson
Uppáhaldsbókin mín heitir
Kolskeggur. Hún fjallar um svart-
an hest og strák sem heitir Axel.
Þeir lenda í sjávarháska og enginn
kemst lífs af nema þeir. Mér finnst
bókin mjög spennandi og
skemmtileg.
Kristján Ágúst Kjartansson
Uppáhaldsbókin mín er Álaga-
dalurinn. Hún er um krakka sem
komast inn í ævintýraland. Þau
þurfa að drepa vonda drottningu til
þess að leysa dalinn úr álögum.
Þorgeir Ragnarsson
Uppáhaldsbókin mín heitir
Skytturnar. Skytturnareru lífverðir
konungs. Þær lenda í ýmsum æv-
intýrum og hápunktur bókarinnar
er þegar þær sprengja upp virki.