19. júní - 19.06.1985, Síða 7

Sólveig Ólafsdóttir á skrifstofu sinni, en hún er nú framkvæmdastjóri Sambands
íslenskra auglýsingastofa. (Ljósmynd Anna Fjóla Gísladóttir).
fyrir og mér var ljóst að þessar konur
höfðu unnið geysimikið starf. Hverri
nýrri kynslóð hættir nefnilega til að
gleyma því sem á undan hefur farið. Ég
játa það líka fúslega að ég varð alveg
undrandi þegar ég tók mig til og las
gamlar fundargerðir félagsins frá lands-
fundum og fulltrúaráðsfundum og gerði
mér grein fyrir því að það var augljóst
samband á milli samþykkta KRFI og
félagslegrar löggjafar í landinu, þótt
þar hafi auðvitað komið fleiri félög við
sögu. Ég gerði mér því fljótt ljóst að
KRFÍ var merkilegt félag sem átti sér
langa og gagnmerka sögu. Ég er satt að
segja mjög stolt af þessu félagi.“
— En það hlýtnr að hafa vakið athygli á
félaginu að fá svo unga manneskju í
forsvar fyrir jafn gamalt og virðulegt
félag?
„Já, ég held mér sé óhætt að taka
undir það. En það kom líka fleira til.
Upp úr þessu fór áhugi á félaginu vax-
andi, þetta var á sjálfu kvennaárinu
1975 og jafnréttismál voru mjög í sviðs-
ljósinu. Kvenréttindafélagið tók þátt í
alls kyns nefndum og störfum sem
beinlínis tengdust aðgerðum í tilefni
kvennaársins og allt það ár var mikið
um að vera hjá félaginu. Sem nýgræð-
ingur í formannssætinu var ég stundum
skelfingu lostin yfir þeirri ábyrgð sem
ég hafði tekið á mig. Þetta blessaðist
samt allt saman og ég er ekki í minnsta
vafa um það að kvennaárið og þá sér í
lagi hinn einstaki atburður, kvennafrí-
dagurinn, höfðu mikil áhrif og urðu
•yftistöng fyrir jafnréttismálin almennt
°g ekki síður fyrir Kvenréttindafélagið.
Upp úr þessu fór nýjum og yngri
félögum fjölgandi, þeir voru virkir í
starfi og rödd félagsins fór að heyrast æ
oftar.“
Skattamálin hugleikin
- Að kvennaárinu frátöldu, livaða mál
eru þér efst í huga frá formannsferli
þínum?
„Á þeim sex árum sem ég gegndi for-
mennsku í KRFÍ finnst mér tvö mál
standa upp úr. Hið fyrra er skattamálin
sem hafa verið mér persónulega mjög
bugleikin frá því að ég fór fyrst að velta
jafnréttismálum fyrir mér. Reyndar
hafði KRFÍ margoft látið skattamál
hjóna til sín taka allt frá því á 5. ára-
tugnum og átt fulltrúa í opinberum
nefndum sem fjölluðu um þau mál. En
um miðjan síðasta áratug hafði um hríð
lítið heyrst frá félaginu um skattamál,
enda virtist það eiga lítinn hljómgrunn
þá að hrófla hið minnsta við samskött-
unarkerfinu og þeirri reglu að draga
50% af launum konunnar frá launum
karlsins, áður en skattur var lagður á
hann.
Árið 1976 gerðist það svo að lagt var
fram á Alþingi frumvarp til nýrra
skattalaga. Þar var gert ráð fyrir því að
tekjur hjóna væru lagðar saman og
síðan deilt í með tveimur áður en hjón
væru skattlögð hvort í sínu lagi. Ekki
var leitað eftir umsögn KRFÍ um þetta
frumvarp. En við sendum samt Alþingi
ítarlega umsögn um það þar sem við
lýstum eindreginni andstöðu við þær
hugmyndir sem þar komu fram. Látið
var í veðri vaka að frumvarpið fæli í sér
sérsköttun þótt svo væri í rauninni alls
ekki. Félagið hélt uppi öflugum áróðri
gegn frumvarpinu og átti fulltrúa á nær
öllum fundum sem haldnir voru um
málið.
Þegar félagið átti 70 ára afmæli 27.
janúar 1977, gengumst við fyrir fundi
um skattafrumvarpið í Krystalssalnum
á Hótel Loftleiðum og þar var fjallað
um málið fyrir fullu húsi. Þessi fundur
var geysilega skemmtilegur og fróð-
legur og átti áreiðanlega einna drýgstan
þátt í því að okkur tókst það sem við
kepptum að, sem sé að konta í veg fyrir
að frumvarpið yrði samþykkt. Það var
dregið til baka á þessu þingi, en næsta
haust, þ.e. haustið ’77, var svo lagt fram
nýtt frumvarp sem fól í sér hreina sér-
sköttun launatekna og náði það fram að
ganga árið 1978. Þau lög hafa verið í
gildi síðan. Á síðastliðnum vetri var
hins vegar samþykkt á Alþingi, nánast
án nokkurrar umræðu, að stíga skref
aftur á bak í skattlagningu hjóna í átt til
samsköttunar launatekna. Með þessu
er verið að hverfa frá þeirri þróun sem
orðið hefur til aukins jafnréttis ein-
staklinganna, hvort sem þeir eru giftir,
í sambúð eða halda heimili með ein-
hverjum öðrum. Það á að taka tillit til
bamafólks með verulegum bamabótum
7