Iðunn : nýr flokkur - 01.03.1927, Side 10

4
Jón A. Hjaltalín.
IÐUNN
ágætlega kveðin og verður vonandi prentuð áður en á
löngu líður.
Hjaltalín sagði síðar, að þessi atburður hefði haft all-
mikil áhrif á hagi sína. Gekk honum nú auðveldar en
áður að ryðja sér braut, enda var sú venja á Englandi
á þeim tímum, að þeim mönnum, er drotningin sýndi á
einhvern hátt sóma, veittist léttara en öðrum að komast
í góðar stöður. Arið 1871 þann 5. des. varð hann undir-
bókavörður við Advocates Library í Edinborg. Gegndi
hann því starfi í átta ár og samdi á þeim tíma mikla
og merkilega bókaskrá fyrir safnið. 19. nóv. 1879 varð
hann undirbókavörður við Háskólabókasafnið í Edin-
borg. — Hann var skipaður forstöðumaður Möðruvalla-
skólans 30. júní 1880. Mun Tryggvi Gunnarsson hafa
átt mikinn þátt í því að Hjaltalín fékk skólastjóra-
stöðuna.
Þannig kom Hjaltalín aftur heim til föðurlandsins
eftir 14 ára útivist. Allan þann tíma hafði hann þráð
að komast heim aftur, en hafði ekki átt kost á sæmi-
legu embætti. Staða hans í Edinborg var ekki vel laun-
uð og tilraunir hans til fá betri embætti þar mishepn-
uðust. Haustið 1878 sótti hann um bókavarðarstöðu við
safn lögfræðingafélags í Edinborg (Society of Writers
to Her Majestys Signet). Þótti það hin mesta virðingar-
staða, enda sóttu um hana milli 30 og 40 menn, og
sumir þeirra stórfrægir. 16 merkir Englendingar skrifuðu
meðmæli með Hjaltalín. Þessi bréf voru prentuð og eru
þau full aðdáunar að dugnaði, gáfum og þó einkum
mannkostum Hjaltalíns. Meðal þessara manna var James
Bryce lávarður og nokkrir aðrir af höfuðskörungum
brezku þjóðarinnar.
(Jr umsækjendahópnum voru svo valdir tveir, sem
líklegastir þóttu til að taka við embættinu. Var Hjalta-