Iðunn : nýr flokkur - 01.03.1927, Side 24

Sonarbætur Kveldúlfs.
/.
Ungur var í öllum háttum
einrænn maður Skallagrímur.
Háði engar hjörvaglímur,
hafði föng í allra sáttum.
Dvaldi mjög við dvergasmíði,
djarfastur til stórra verka.
Átti móti Úlfi sterka
afl — en skorti Þórólfs prýði.
Þórólf hafði vísir vegið,
vaskastan af Noregs sonum.
Faðir sárt — en samt að vonum
sonarvígið hafði fregið.
Úlfi hitna hjartarætur,
harm sinn út í myrkrin kallar:
„Lokuð sund í áttir allar,
engin hefnd né sonarbætur!“
Knúðu loksins konung finna
Kveldúlfs niðja horskir frændur.
Reiður að jwi ráði hændur
rekkur greip til vopna sinna.
Wígaramma viðu álma
valdi tólf með fasi köldu.
Báru allir breiða skjöldu,
bitur sverð og þunga hjálma.