Iðunn : nýr flokkur - 01.03.1927, Side 50

44
Dalamær.
IÐUNN
Augu af lyfjum loga
— lögð er píla að álmi.
G/jái brúnaboga
er brons á soramálmi.
Köstum hnakk á hesta,
hleypum upp til sveita.
Leikur Ijúfur blærinn
létt um vanga heita.
Hnjúkar hverfa og rísa
hestsins fangi móti.
Stekkur fimur fótur
fram hjá eggjagrjóti.
Fram á hæsta hjallann
hófagammar þjóti.
Breiðir broshýr dalur
blómgan faðm á móti.
Hlíðin döggum dropin,
dúnmjúk undir fæti.
Eg hef mig upp í hnakknum
og hrópa af ofsakæti.
Inst í dalsins enda,
uppi í Hnjúkafjalli.
Þar sem fossinn fellur
fram af háum stalli.
Þar sem lindin læðist
létt á milli steina,
hef þú höfuð vinur,
horfðu á dalameyna!