Frjáls verslun - 01.09.2003, Qupperneq 36

Magnús Gunnarsson, starfandi stjórnarformaður Eimskipafélagsins, á hinum sögulega hluthafafundi Eimskipafélagsins þar
sem skipt var um stjórn. Með honum á myndinni eru Björgólfur Guðmundsson, formaður bankaráðs Landsbankans, og
Yngvi Örn Kristinsson, framkvæmdastjóri verðbréfasviðs Landsbankans.
Vinnubjarkur með samskiptahæfni
Við leituðum til tveggja manna í viðskiptalífinu sem
þekkja Magnús afar vel og teljast á meðal náinna vina
hans. Þetta eru þeir Þórarinn V. Þórarinsson lögfræð-
ingur og Friðrik Pálsson, ráðgjafi og fyrrverandi stjórnarfor-
maður SÍF. Niðurstaða þeirra er sú að Magnús sé vinnu-
þjarkur með mikla hæfileika í mannlegum samskiptum.
Þórarinn V. Þórarinsson
Þórarinn hefur þetta að segja um Magnús: „Magnús er
afskaplega hlýr maður og nær fljótt góðu persónulegu
sambandi við fólk. Honum er lagið að umgangast erfið mál
þannig að ekki sitji eftir sár í samskiptum hans og
þeirra sem hann á viðskipti við. Hann á auðvelt með að
halda mörgum boltum á lofti í einu án þess að tapa
yfirsýn og í samningum er honum lagið að skynja hvað
það er sem viðsemjandinn þarf til að fara sáttur frá
borði - stundum betur en hann sjálfur. Ef eitt orð ætti að
lýsa mikilvægustu hæfileikum hans - þá er það sam-
skiptahæfni, þar er hann sannur meistari. Sumir myndu
sjálfsagt segja eirðarleysi vera veikleika hans, en
kannski er það einmitt líka styrkur,“ segir Þórarinn.
Fríðrik Pálsson
Friðrik Pálsson lýsir Magnúsi svona: „Magnús er ein-
stakur fyrir þær sakir hve heill hann er í þeim málum
sem hann tekur sér íyrir hendur. Hann er mikill vinur
vina sinna, vinnuþjarkur hinn mesti og bráðskemmtilegur.
Það er alltaf gaman að tala við hann. Ef ég ætti að tilgreina
helstu styrkleika hans, þá vil ég geta þess hve gott Magnús á
með að greina aðalatriði frá aukaatriðum. Hann á mjög
auðvelt með að leggja linur og er mikill kennari í sér, þó að
hann sé ekki yfirlýsingaglaður maður. Magnús hugsar djúpt
áður en hann talar, er orðvar og traustur. Þannig skapar hann
sér gott orð út á við og hefur margsannað það að hann er
maður orða sinna.
Það er ekki auðvelt að tilgreina veikleika hjá Magnúsi. Þó
mætti nefna það að ég hef tekið eftir því að hann hefur ekkert
gaman af aukaatriðum. Það lætur honum ekki vel að glíma við
aukaatriði, enda háir það
honum ekki mikið. Magnús
á það stundum til að fara
hratt yfir og er nokkuð
óþolinmóður. Hann er
jafnan hrókur alls fagnaðar í
því umhverfi sem honum
líkar vel í. Ef hann er hins
vegar staddur í umhverfi
sem honum líkar ekki,
lætur hann frekar litið á sér
bera. Eg verð einnig að geta
þess sem góðvinur hans, að
Magnús er mjög upp-
rennandi hestamaður,"
segir Friðrik. [U
/;Hann á auðvelt með
að halda mörgum
boltum á lofti í einu án
þess að tapa yfirsýn og
í samningum er honum
lagið að skynja hvað
það er sem við-
semjandinn þarf til að
fara sáttur frá borði -
stundum betur
en hann sjálfur."
36