Frjáls verslun - 01.07.2004, Page 31

Þeir sem þekkja Halldór eru ófeimnir að játa að hann sé skapríkur maður og stundum sé stuttur í honum þráðurinn.
FV-myndir: Geir Ólafsson
vart hægt að hugsa sér einlægari og betri vin. Þeim sem
kynnast Halldóri fer að þykja ofboðslega vænt um hann,“
segir Ingibjörg.
I viðtölum við nokkra samferðamenn og vini Halldórs er
dregin upp mynd af viðkvæmum manni sem er alls ófeiminn
við að tjá tilfinningar sínar. „Opinn, heiðarlegur og hreinskil-
inn, bæði í samskiptum við aðra og þegar hann talar um
sjálfan sig. Hann getur alveg rætt hlutina á persónulegum og
viðkvæmum nótum,“ segja þeir sem þekkja Halldór.
Katrín Ásgrímsdóttir, yngsta systir Halldórs og garðyrkju-
bóndi á Egilsstöðum, segir hann hafa verið fluttan að heiman
þegar hún komst til vits og ára en þau hafi alltaf haft gott
samband. „Við hittumst kannski ekki oft en hann hefur
reynst mér mjög vel. Þegar ég var erlendis í námi sendi hann
mér bréf, bækur og fleira, eitthvað sem alls ekki er sjálfsagt.
Þegar ég gekk í gegnum hremmingar í pólitíkinni hér eystra
studdi hann mig og leiðbeindi mér. Halldór er mjög velvilj-
aður og það er gott að eiga hann að.“
31