Frjáls verslun - 01.07.2004, Síða 76

baratta þqrunnar
TJÓN ERLENDRA FERÐAMANNA
Þórunn hjólar í trygg
Erlendir ökumenn, sem valda sjálfiun sér tjóni, geta krafist allt að 114 milljóna króna bóta án þess
að hafa keypt sér sérstaka tryggingu. Þetta íþyngir bílaleigunum ijárhagslega, skekkir samkeppnis-
stöðu þeirra, gerir þær óvinsælar hjá tryggingafélögunum og hækkar iðgjöld neytenda í framtíðinni.
Efdr Guðrúnu Helgu Sigurðardóttur
órunn Reynisdóttir, forstjóri bílaleigunnar Avis, hefur í
þijú ár barist fyrir breytingu á reglugerð eða lögum þar
sem bílaleigufyrirtækjum verði ekki lengur gert skylt að
tryggja ökumenn bílaleigubíla í tjóni sem þeir valda sjálfum
sér, t.d. með undanþágu eða lagabreytingu. Samkvæmt lögum
eru íslenskar bílaleigur skyldaðar til að greiða slysatryggingar
ökumanna sem hluta af ábyrgðartryggingum bifreiða og
skekkir það samkeppnisstöðu þeirra við bílaleigur í öðrum
löndunum því að þeim er ekki gert að tryggja ökumenn með
sama hætti. Erlendu bílaleigurnar greiða því lægri iðgjöld til
trvggingafélaga, eða sem nemur Jjórðungi eða fimmtungi af
því sem þær íslensku greiða. Þórunn bendir á að ökumaður á
íslenskum bílaleigubíl sem veldur sjálfum sér tjóni hér á landi
geti farið fram á bætur að upphæð allt að 114 milljónum króna,
jafnvel þó að hann leigi bílinn bara í einn dag og hafi ekki
borgað krónu í iðgjald. Lögmaður hans sækir þessa kröfu
frekar á Islandi en hugsanlega kröfu í heimalandinu því að slíkt
hefur áhrif á iðgjöldin hans og stöðu gagnvart trygginga-
félaginu. Það gerir sú íslenska ekki.
Eitt Stórt slys breytir öllu... Um 70 prósent af leigutökum
bíla hérlendis eru erlendir og því er þetta töluverð áhætta
fyrir bílaleigurnar. „Þetta gerir rekstur okkar erfiðan. Við
getum átt von á svona kröfu hvenær sem er og það hefur
áhrif á iðgjöldin, fyrir nú utan það að þetta hefur áhrif á alla
neytendur á Islandi vegna hækkandi iðgjalda í framtíðinni.
Flestir Islendingar sem ferðast erlendis kaupa sérstaka
slysatryggingu og það sama gildir um erlenda ferðamenn
sem hingað koma, þeir eru venjulega slysatryggðir annars
staðar. Það er því engin þörf á þessu ákvæði og það gerir
okkur bara erfiðara um vik í starfseminni. Slys erlendra
ferðamanna á bílaleigubílum eru mun tíðari en hjá öðrum
ökumönnum, tjónið fellur á okkur og leiðir til hækkunar
iðgjalda sem lendir að lokum á íslenskum neytendum. Við
Þórunn Reynisdóttir, framkvæmda-
stjóri Avis bílaleigunnar, berst fyrir
breytingu á lögum eða undanþágu
þannig að bílaleigur þurfi ekki lengur
að kaupa tryggingu og bera tjón sem
erlendir ökumenn valda sjálfum sér.
Mynd: Geir Ólafsson