Morgunn - 01.06.1964, Side 42

36
MORGUNN
Heimilisfólkið telur, að lítið sem ekkert hafi borið á ókyrrð
á Saurum næsta sunnudag og mánudag. En eftir það tóku
fyrirbærin að færast í aukana og urðu bæði tíðari og meiri,
og hélzt svo nær óslitið fram til föstudags 3. apríl. En fólkið
sagði mér svo frá, að því hefði þótt ærið nóg að búa við þessa
dularfullu ókyrrð þennan tíma, þó ekki bættist við stöðugar
fyrirspurnir í síma og aðstreymi forvitinna ferðalanga og
blaðamanna, og því hefði verið brugðið á það ráð, að svara
ekki í síma og láta sem fæsta og helzt engan ókunnugan vita,
hvað þar væri að gerast. En fyrir vikið er ekki við annað að
styðjast en frásögn heimilisfólksins sjálfs um það, sem fram
fór á þessu tímabili.
Björgvin, sonur hjónanna, sem dvaldist á heimilinu þenn-
an tíma, greinargóður maður og skýr, kveðst ekki nú muna
að segja frá atburðunum í réttri tímaröð. En það, sem gerð-
ist, var í stuttu máli þetta: Stofuborðið hélt áfram að hreyf-
ast, stundum oft á dag. Á skírdag fleygðist það fram á gólf
kl. 10.30 f. h. og aftur kl. 1.30 og fór þá á hliðina og brotn-
aði nokkuð. Var þá það ráð tekið, að binda niður borðið,
en þá var platan slitin af því. Og eftir að hún hafði verið
bundin líka, en hún var klofin í tvo hluta, þá var hún eigi
að síður dregin undan böndunum og pörtunum fleygt hvor-
um ofan á annan. Lítið útvarpstæki hafði verið skilið eftir
á borðinu. Þegar að var komið, lá það á gólfinu um l'/o
metra í burtu, en var þó óbrotið.
Á vestara hliðvegg baðstofuhússins héngu allmargar
myndir í römmum, aðallega ljósmyndir, og ennfremur lítill
blómavasi. Allt þetta dót fleygðist af nöglum þeim, sem það
hékk á, og niður á gólf oftar en einu sinni. Brotnuðu sum
glerin. Var þá það ráð tekið, að láta myndirnar niður í
kommóðuskúffu. Á veggnum gegnt voru einnig nokkrar
myndir. Hreyfðust þær nokkuð og skekktust á nöglum,
þannig að þær hölluðust mjög. Og lítil klukka og loftvog á
þeim vegg hrundu niður í rúmið, en brotnuðu ekki. Þegar
mest gekk á um þetta, segir Björgvin, að sér hafi fundizt sem
bylgja ryði að húsinu frá vestri til austurs, og brakaði